大家認唔認同只要經濟繼續發展就係「好」

我讀倫理學好記得「好」係「需要獲得滿足」，越少人失業當然越好，但現在份糧有幾多，購買力先「滿足」（早輪有個post4萬住公屋冇女都覺唔夠）

我之前搵開39k，要供綠置，俾家用阿媽，裝修尾數，雜費，而家失業希望起碼搵到32k，唔係就要積蓄填的話就係講啲做同唔做都冇咩分別。

但政府係咪將我哋帶向「需要什麼」等於「需要錢」和「需要發展」的思維？以前起高鐵時有過菜園村抗爭，賠錢係咪真係賠償到佢原有嘅生活？或者我想問嘅問題係，政府或者呢個世界係咪唔接受有「錢」解決唔到的問題？

純粹反思一下。

精神上嘅空虛導致物質豐盛下生育率不振公德敗壞一直係羅馬後期、東漢魏晉、法國第三共和等等一直面對嘅困局
政府官員到知識份子日日批批批、放負
但有條毛用 乜嘢政策真係有效來來去去就係移蠻族入邊地 因為再多麵包都鼓勵唔到生仔

好快就天街踏盡公卿骨社會解體

前兩者好在就係有基督教同佛教為歐洲同支那重拾意義
如果唔係回化征服落入更不堪嘅境地

簡單啲有錢唔係大囇，但冇錢就好頭痕，所以普遍人都會用錢或價值（錢）去衡量事情

精神空虛其實係偽命題，物質豐盛其實係相對，餓唔死叫唔叫豐盛？人喺依家呢個社會階級分野太大，有啲人相對物質非常豐盛，佢哋某部份會加入教會或宗教組織，其實未必有信仰只為聯誼。但呢班人一樣都會生育，唔生根本延續唔到自己影響力，克服唔到養老恐懼。

唔生果班，有啲人係三餐都冇選擇甚至skip meal，而且係面對階級流動完全固化，一個人出生係點，之後好大機會就係點。個人日日屈劏房買兩餸飯，諗唔到往後有咩機會，正常人都唔會生個下一代出嚟畀佢重覆自己嘅生命

所以低下階層如果有清晰置業階梯、職場晉升機會，一般都會生兒育女，同精神生活冇太大關係

偽命題先勿提人往往渴求意義甚於渴求麵包 你無唔代表社會無 社會崩解往往信心不足導致 經濟要提振消費無信心咪長期好似日本咁點派錢都谷唔出消費

再者你唔係以為基督教同佛教係得和尚辯經？
成個歐洲同半個支那都係靠教會組織統治 基層供書教學生養死葬籌旗全部都係教會包辦 教會就係基層統治 歐洲諸王同南北朝唐宋皇帝基層上嘅勢力可有可無 由朱熹到開普勒全部都係教會提供基礎教育 無教會 成個社會一早冧襠九世

精神生活無特別關係無新加坡打藤 日本警察當街兜巴星 你呢挺人的確喺李光耀到大久保利通成面對個社會由自尊到責任心移風易俗嘅專制對象 難怪你會咁反感

你第一句立論我好難反駁，咩叫意義先？個立論勁廣，你明明本身講緊精神生活，依家餓死嘅人係極少數，但終其一生喺貧窮線掙扎咁點先？

宗教同精神世界有關又可以冇關，早期以家庭為單位西方教會咪強調一男一女結合安息日返教會維持組織向心力。東方就強調宗廟社稷，拜祖先，節日etc
依家經濟結構唔同咗，呢啲嘢明顯土崩瓦解緊，但聚合緊新嘅社會模式，係資本主義主導

社會崩解係信心問題，又係是亦有不是，惡性通脹係貨幣信心危機、低層策反係政治信心危機，但之前發生過嘅事先係重點，唔係治亂興衰咁就完

所以精神生活係偽命題，因為可以話係又可以話唔係，如果你講人唔再讀書理解人生意義，追求金錢以外嘅嘢，咁我可以講大部分人都為口奔馳，到死冇追求過呢啲嘢。但亦可以話本身佢哋為利益而組織同參加嘅嘢都同精神生活有關，例如宗教儀式、過節、家庭觀等等

精神意義偽命題係你以為世界係靜止嘅 現代唔少人食得太飽都會咁
任何群體生得 打得 保護到自己 削弱到其他群體 自然會跑出 劣質無精神意義嘅淘汰
羅馬人無基督教保護 靠城邦萬種神廟系統 下一秒就會俾更生得打得 比基督教更唔崇拜偶像 靠zakat jizya保護到自己群體信念一致性嘅伊斯蘭教攻陷奴役
支那精神渙散 佛道喪落嘅下場咪即係無洋人喺南洋 伊斯蘭由呂宋直搗福建 唔生得又唔打得嘅降虜自然淘汰 晚清到今日共產黨大批改宗基督教 以億計 唔通靠你口中所謂嘅聯誼？鄙薄之極
法輪功俾人活摘器官一樣 唔通得法輪功俾人活摘咩共產黨去到邊都有活摘
當然係基督教 法輪功提供到保護 至少幫手出頭發聲 你呢啲蔑視信念嘅人俾人活摘咗器官去都無聲無息

你呢啲人反正都最後一代當然唔care 死後洪水滔天 睇死連家庭都難建立
上由清教徒開辟新大陸 下到塔利班神學士周圍放人肉炸彈 足以證明信念有幾強大 你周身肥肉有幾咁肉豬你唔生仔還至好 生咗仔你今代虛無嘅債就會由下一代還

認同「經濟繼續發展係好」

唔認同「只要經濟繼續發展就係好」

咁多種人生
同樣環境下總有人過得唔好獲益唔到
假如單論經濟好就等於好
咁窮苦人應該不存在
事實上上層亦都係想咁
受益於錢以外嘅領域係被選擇性無視 不被看見的
大部分人唔會思考錢嘅本質
因為已經被塑造為必需品

我喺你身上都睇到精神力量同信念幾咁強大，將佛道耶回全部炒埋一碟，發大嚟講，信咗就上身咁咩，義和團扶清滅洋成功咗未？太平天國洪秀全係耶蘇細佬都輸？有冇攪錯啊？十字軍東征做乜爛尾？

佛教嘅盛行初期係依附印度教、基督教盛行係依附猶太教同天主教，宗教係一直轉變嚟為人民嘅思想需要服務，會唔會有一日唔需要呢？我唔知，亦唔想知。我只係知道宗教係客體，人先係主體，仲有好多嘢影響到人類歷史，唔係得一個因素，你果啲唯心史觀都真係唔知點講

而且耶蘇佛祖唔會似你詛咒其他人

逆風揚塵，塵不至彼，還坌己身。

申命記18:15
//15 “耶和華你的神卻要從你當中，從你弟兄之中，給你興起一位先知，像我一樣；你們要聽從他。//

摩西同緊猶太人講野，「你的弟兄」就係猶太人，洪秀全唔係猶太人，佢既聲稱就冇根據。

馬太福音7:13-14
//13 “你們要進窄門，因為通向滅亡的門是寬的，路是大的，從那裡進去的人甚多；
14 但通向生命的門是多麼的窄，路是多麼的小，找到它的人真少！//

耶穌既講道既聽眾都係知道神誡命既人，大部份人都唔係真係活出神既道，而行上滅亡之路。十字軍不在話下。

你睇宗教個殼，同埋聲稱自己係宗教入面既人，反而唔睇神，有咩意義？
神係創造主，人係受造物，唔好睇到自己咁高呀，咁叫做自大。

Mohammad係咪猶太人？
佛陀係咪猶太人？

你知唔知自己講緊乜？你將所有宗教都炒埋一碟，有宗教就係有信念，有精神文明，我咪講太平天國都有所謂精神文明同信念最後點解會失敗？一定係佢信念不足啦

伊斯蘭教早期對宗教極度寬容，會同東正教徒、印度教徒經商同容許佢哋以交人頭稅形式存在喺自己國家，某啲君主仲會睇宗教辯論，相反有啲君主係文盲嚟，佢哋冇豐富精神生活但一樣治理好國家

你有研究歷史就睇多啲唔同嘅書，影響國家興亡嘅更多係經濟，宗教有佢嘅地位，精神文明都有地位，但呢個世界都有太多文字都冇乜嘅文明一樣強大過

（1）巴打認錯人？我冇將所有宗教炒埋一碟喎。

我淨係同你講神（聖經講既創造主同救贖主，唔係精神），你就講宗教，咁係牛頭唔搭馬嘴。
神係活着而且大有能力，宗教只係一個制度。

（2）猶太人就係咁特別，神揀左佢地係以色列地活出神既律法教導比外族睇（雖然佢地大部分時間冇做好呢個使命），又將聖言交託左比佢地。

申命記4:6-8
//6 你們要持守遵行，這樣你們的智慧聰明就會在其他民族的眼中顯出；他們聽見這一切規定，就會說：‘這大國的人民真是有智慧，有聰明啊。’
7 哪一個大國有神明與它這樣親近，像耶和華我們的神，在我們每次呼求他的時候都與我們這樣親近呢？
8 哪一個大國有這樣公義的規定和律例，像我今天在你們面前頒布的這一切律法呢？//

羅馬書3:1-2
//1 那麼，猶太人有甚麼優勢？割禮又有甚麼益處呢？
2 各方面都很多！最重要的是神的聖言已經託付給他們了。//

（3）Mohammad 唔係猶太人，佢只係偷左神個名。神係信實，講過係唔會反口，但 Mohammad 話神既聖言錯，佢先啱，即係當緊神講大話。佢幾大勢力都好，逼到幾多人附和佢都好，佢冇神同在，同時敵對緊神。

佛陀唔係猶太人，佢亦都冇聲稱自己既道理出自神。所以佢冇好似 Mohammad 咁褻瀆神。

（4）你講既「信念」，已經同猶太人一直理解既「信實」唔同，又係唔關事既野。信實，係堅定不移、忠心至死，係堅持忠誠既選擇，唔係諗出黎既信念。你有咩信念，都唔會有能力，而且不忠既人都可以有信念。

（5）耶穌做咩都合神心意，有神既同在，就有神既能力顯明耶穌講既野係出自神。透過耶穌行既神蹟，明眼人一睇就見到。

約翰福音3:1-2
//1 那時有一個人，是法利賽人，名叫尼哥德慕，是猶太人的一位首領。
2 他夜間來到耶穌那裡，對他說：“拉比，我們知道你是從神那裡來的老師，因為如果沒有神同在，你所行的這些神蹟沒有人能做到。”//

耶穌行神蹟係出晒名，佢既異能連反對佢既猶太人同希臘人，都記得好清楚。

猶太史學家約瑟夫Josephus《猶太古史紀》18.3.3
//Now there was about this time Jesus, a wise man, if it be lawful to call him a man; for he was a doer of wonderful works, a teacher of such men as receive the truth with pleasure. //

反對耶穌、鄙視基督教既希臘哲學家凱爾蘇斯Celsus咁講（引述自Origen «Contra Celsum» 1.28, 68）：
//He was brought up in secret and hired himself out as a workman in Egypt, and after having tried his hand at certain magical powers he returned from there, and on account of those powers gave himself the title of God.//

猶太教經典《巴比倫塔木德》公議會篇43a:20
//... Jesus the Nazarene is going out to be stoned because he practiced sorcery, incited people to idol worship, and led the Jewish people astray....//

反對耶穌既人醜化耶穌行既神蹟做戲法、巫術，反而正正就成為佢異能既旁證。

（6）真係有意義有能力既，就得神既同在。
唔係宗教。唔係信念。

回轉離開罪惡，呼求神，就會被神搵到。信實既神咁講，就會照做。

馬太福音7:7-8
//7 “你們要祈求，就會給你們；要尋找，就會尋見；要叩門，就會給你們開門。
8 因為凡祈求的就得到，尋找的就尋見，叩門的就會給他開門。//

係，認錯user，咁冇嘢啦

唔緊要，唔緊要

經濟再好 點都好

我覺得 大前提係 公義