突發有圖有片：318川藏線成都踩一個月單車到拉薩（轉登重開）

係喎真係你

師兄做咩咁睇唔開又踩

下年本命年人多車多，易有變數

加上我踩完覺得靚景係阿里同青海

川藏反而同有雪山嘅台南差唔多

有冇人想一齊踩！
今年，認真。

夏天難搞啲喎
去到九十月直接冬天大雪封山
最好踩係四至七月

又要等成年 。咁有冇人想8月踩
自由身，買好裝基本上可以隨時出發

最好先搵果啲咩57飛登心旅騎行聯盟睇多啲資料再決定
七八月好多人踩，但係係學生放暑假所以多
我個人覺得會難啲，因為我五月踩到芒康果段都用曬水兼有啲中暑
果時講緊都係廿零度，七八月除咗熱仲有雷雨
或者你而家即飛囉，趕八月大暴雨前

我依加喺好遠
最理想係九月，不過我真係咩功課都未做
研究下先

係呀 上次去體能訓練麻麻
雖然有踩完但每日到目的地就筋疲力盡除咗攤之外就冇嘢想做
我理想嘅Bike Tour係每日踩大半日度，下午3-4點到，仲可以行半日影下相玩下 所以想去多次
我記得我去過果次係巴塘到芒康最爛
同埋落海子山地面有坑炒過一次車
多謝巴打意見

最緊要係毅力
體能預25日踩完嘅話，平時一兩星期踩一次15均速100公里就得

後生果陣有唸過深圳踏去拉薩 但太長又無人一齊就放棄 最後台灣環島算

環完台，試下玩下啲日本線
和歌山100>伊勢 >富士>東京
環四國>岡山>大阪>名古屋


試長程操體能一流

想問埋你路上有冇雪路？
雖然7月但四五千米高都應該有位有雪？
單車雪路有冇危險

有雨路泥路霜路，真係厚雪果隻冇
每年十月至第年四月呢段時間應該會有，可能會大雪封路
我係之前五六月去的，去到折多山同東達山埡口，四五千米
周圍雖然厚雪，但未見大雪封路
照計你七月只有雨，唔會有雪

至於雪上踩危唔危，個人認為踩雪著唔到力
會好似沙地踩唔郁一樣
但同時，如果係本身高速踩緊而入雪地
可能會仲危過沙地剎車

我出年應該5月去 擔心緊山上會太凍
多謝巴打你詳細解釋

幾百點踩...仲要多山
我認我廢...去台灣最多都係100km一日

8日比賽都算 屌班友真係五六日踩完
點跟

日本d路踏車好似唔太friendly ？台灣有條機車線踏
同埋唔識日文 無得係路上同人交流
巴打踏過日本？

見到呢度想問多樣嘢
想請教沿途住宿環境如何
我想住得乾淨啲
標準係Set係酒店要有乾淨的馬桶
(真係用唔慣蹲式）
我自己有做過功課㗎啦
沿途基本上大小小嘅地方我都有搵到好啲嘅酒店
剩低下便呢幾個點係我上網搵唔太到住宿資料
想問樓主有冇住過？

1. 新溝
2.禾尼鄉
3.如美到左貢中間，呢度諗緊有冇能力一日踩完
如果冇嘅話中間登巴/榮許 要抖一日
4.松多

我有啲長氣
先概括啲講：
我係川藏線沿途住過嘅住宿，廁所踎坐比例大概係六四左右
特別係啲鄉村地方，有坐廁你都唔會想用
要講恐怖嘅話……大概去工布江達果段入過一間加油站嘅廁所，可以講係石頭版嘅茅廁
鎮縣級嘅地方會有正常衛生情況嘅廁所，但可能會有例外情況，例如某踩車聯盟攻略書指定嘅芒康果間住宿
市級地方嘅話，即係成都雅安拉薩林芝呢類，你有預算可以住到四五級酒店，坐上廁所仲舒服過瞓落張床

當然，十個地方有九個唔止有一間住宿，亦即係話踎坐問題喺大部分情況下都可以自由選擇，前提係仲有冇房同埋比唔比你住
要擔心嘅係路上如廁嘅問題，小便都算，開大就kick手，入咗藏區反而會多咗公廁，但唔好比佢正常嘅外形呃到，入面仍然係踎廁，衛生情況只比大陸人流車旺嘅公廁好少少

再答返你：
1、新溝至少有兩間住宿，呢個地方就咁一條街非常細，其中我住果間全棟冇獨立廁所，不過伙食幾豐富
2、禾尼鄉風景可以稱得上318川藏線嘅一流，我住係所波大叔果間青旅，正常獨廁，不過都係踎。雖然叫鄉，但冇記錯所波大叔間嘢離聚落中心仲有段距離，入面唔排除有更好環境嘅住宿
3、應該唔得，我果時係芒康經如美到榮許，休咗一日再去左貢。如美唔係好高，但榮許海拔有4200，所以一出如美就係爬坡，直到榮許同埋榮許後面果個5200米嘅東達山，都一直會係爬坡。我果陣中午到如美食晏，之後到榮許兵站已經傍晚六點左右，估計至少踩咗四五個鐘。第日上東達山仲精彩，廿公里由八點推撚到兩三點先到埡口，呢座山會有好多雨雪甚至冰雹搞事。我諗你夾硬踩都唔係唔得嘅，不過可能要踩十個鐘以上。
4、我搭車skip咗松多，冇親身體驗。不過，我係路上接觸過嘅踩車佬，有啲係新溝、紅龍鄉哭撚咗；有啲係榮許、邦達屌曬鬼，但冇一個頂得順松多，甚至會係啲踩車組隊大群開名屌間住宿（通常啲住宿老細都係群內拉生意）

補充：除咗你問嘅呢幾個地方，紅龍鄉嘅伙食菜多肉極少，邦達嘅有熱冇水（有熱水但花灑冇水）、通麥嘅隨時停電，同埋入藏後嘅大多縣市都會當你係外賓，規定三星或以上住宿先比得你住
呢堆問題，仲kick過你而家問嘅嘢

每唔每踩下
當年徐蛇步高
踩過既路線？

踩完係咪會好似老咗十年咁

睇你點比太陽曬曬，有啲人完全唔防曬推塊面追住個太陽嚟屌，踩完老廿年都有

我踩果一個月有做正常防曬，自己老咗幾年就唔太清楚

不過返嚟香港後，呢個執笠果個清盤仲有個比銀行call百幾億
似乎你香港劣得仲快喎

多謝樓主
睇嚟要做好心理準備
我係打算踩長啲避開呢幾個點
I.e : 成都->天全，然後 天全->瀘定
理塘一日到巴塘
但睇嚟松多應該避唔到

樓豬啲隊友係咪路上識架？
點解揀川藏？我見滇藏都係另一條熱門路線，好似易過川藏？

揀川藏係因為新手長途嚟講，佢配套相對成熟
滇藏風景應該會更靚，前期有大理麗江，中期有香格里拉
但係通常聽啲人講會更難踩，而且佢配套冇咁足
隊友係到某踩車聯盟出發點後即場組