睡眠呼吸機有無用

戴一世

有用

手術冇乜用，仲要入侵性

相反
戴住瞓好舒服鼻塞解決咗

我有鼻鼾既原因係太肥，訓低時d肥肉紮扁咗係氣管，所以有聲。部機原理係不停泵氣 撐開氣管。所以一唔用的話 又會有鼻鼾聲。

我有時會唔用，一樣瞓到，不過有鼻鼾聲咁解。

單壓機：keep 住一個氣壓出氣。
呼吸係一吸一呼，吸氣時部機噴氣俾你無問題，但當呼氣時，部機係keep 住同一氣壓噴氣出黎，變相你要用d力呼氣。
我另外有部旅行版既單壓機，呼氣時比較「侷促」，要d時間先習慣。

雙氣壓：呼氣時佢識自動調低出氣既氣壓，到吸氣時又出番多d氣，成個呼吸過程好自然。

我個時係賣機公司試過單壓機、雙壓機（唔使錢），然後再租部機返屋企試（$400/week, 另加自己買罩），岩用先再買。

有鼻鼾唔代表有睡眠窒息症，而睡眠窒息症其中一個症狀係成日都會好攰好眼瞓,好似無訓過咁。

我見你話訓醒會攰，brother最好搵醫生check check 先決定用唔用機好d.

邊到買平

因為我上網睇啲人話﹐就算有睡眠窒症﹐啲醫生做完test都係叫你買機。咁我就廢事晒錢睇啦。

用緊ResMed 10, 用咗8個月. 十分愉快.

利：有鼻鼾同睡窒.

你要返大陸睇醫生建議.
最好唔好去深圳, 去遠少少例如廣州大醫院.

佢會解釋俾你知.

我自己經驗係, 香港政府醫院話我有睡眠窒息, 之後政府醫院無啦啦俾個勁快期你 (一兩個星期有得睇那種), 之後做測試後基本上行出門口就成班賣機佬等你買機..(我無買)
醫院驚你唔買機無佣, 會安排一個月後的覆診俾你, 話醫生要見到你部機。
我剛好出差, 求其在寧波買部 6000 蚊, 分別係
香港機: 兩萬到四萬不等, 而且無得出報告, 要download 報告要每次二百返廠搞。
大陸機： 連接微信自己睇報告, 幾時睇都可以, 免費。大陸機幾千到一萬頂盡。

之後搞笑係, 一個月後見醫生了, 佢問我買左邊間, 我話佢知我大陸買左, 個醫生見佢地計劃失敗了, 就睇都唔睇部機, 話無乜野就定期覆診啦......到後來, 我話帶機唔舒服, 佢轉左我去牙科...好啦, 兩年後牙科一見我個年紀, 話咪玩啦, 幾年後老少少再回來睇過...之後就斷左覆都唔洗覆, 話其實你側身訓食少啲就可以..(因為佢地知道無生意做了)

這就是香港..

反觀大陸, 有個工程師朋友又話有, 去醫院做一做手術, 割舊肉等佢唔好阻呼吸, 然後頭兩日辛苦少少食唔到野, 之後液體, 然後大約兩星期左右完全無事, 話起碼十年都唔洗再煩...

這就是大陸...

冇用過11，用緊10。其實如果淨係要瞓得好，10已經夠，因為好多新嘢都係啲reporting嘢，我冇乜理。差都係1千幾百，如果唔care啲新function，我覺得10係冇問題。
鼻罩我用緊P10，淨係兩舊嘢塞落個鼻窿，我覺得最舒服。其實個mask係乜唔係最重要，最重要係要放好條管。啲人覺得唔舒服，係因為條管dump落地，條管有重量，所以覺得有啲嘢扯住，所以唔舒服。我個用個枕頭摘/頂住，令至條管唔好dump落地，預啲長度俾個頭轉，咁就冇乜嘢。
唔評論係咪戴一世，有需要就用，一嚟唔會嘈住身邊人（佢都好慘，成晚冇得瞓），二嚟對自己身體都好啲，三嚟日頭會精神好多，因為夜晚瞓覺吸唔夠氧氣，血嘅含氧量會急跌，咁日頭就會好攰。
自己諗吓，始終自己身體重要，減唔減肥，做唔做手術可以慢慢攪，先瞓好先！

睇耳鼻喉睡眠科做test啦

有得用機解決點解要開刀反智

ching唔識唔好9up

其實Resmed 10 autoset都係5千幾人仔（淘寶），呢個牌子我用咗十幾年，冇乜鑊氣。香港買都係6千尾。
大陸嘅未試過。

建議你做個睡眠測試先再決定

睡眠測試都係1千蚊，有人上門幫你set機，瞓一晚，第二朝早交返部機就ok，都ok方便。做咗冇壞。

好有用，建議盡早買

我係過來人，睡眠窒息症好多年，一直都無理到
直到2年幾之前同女友一齊住就投訴我鼻鼾真係太嘈而影響到佢就決定買部試下

用完就好嬲自己點解咁遲先買
咁多年都無深層睡眠，瞓極都攰
用左之後終於可以一覺瞓天光，個人精神完全唔同晒

真係快d買，唔好等

唔知點解戴住個musk個鼻覺得好痕，半夜成日扎醒

真
我而家唔戴反而瞓唔著

據我所知，醫生如果話你係睡眠窒息症、建議買機，係會講埋部機既氣壓要set 幾多。

我自己冇呢d數喺手， 就要自己逐格氣壓試，試下邊個氣壓最舒服.

一定係有幫助, 我係重度睡眠窒息, 戴左機訓教個陣係完全唔會扯鼻鼾.. 我個部仲要係國產呼吸機唔係外國野

鼻眼適係咪會好用過安鼻靈？用緊安鼻寧薄荷好似冇乜料到，噴完打乞痴打到仆晒街，之前用都叫做通到下鼻塞