香港樓價會唔會跌到沙士嗰時咁？

集思廣益，個勢係咁跌
供應又不斷加，認真討論有冇咁嘅可能？
二手又舊嗰啲除非自住
係咪真係一日唔賣都係貶緊值？
買二手舊樓仲要承擔日後維修嘅費用
有冇可能？

思考一個問題：點解過去咁多年，樓價升，車價跌，落地即減半。
除左同供應需求有關，會唔會係人為做出黎？
製造「有樓=人生勝利組」現象，因為升丫，咩都唔洗做，財產直接上升，個個都想要多d錢。
然後一班人見到前人成功，就會想學，想買樓，
咁呢班人就中左圈套，因為果個年代基層要揾錢買樓，收入大部分都係黎自於工作，資訊無宜家咁發達，唔係宜家咁多人講投資。
當足夠人數想買樓，商家、所謂管理層就容易控制打工仔。
可惜，宜家個時代唔同，全球人數下降、收入來源多元化、唔再只係受制於老闆。

要去到呢個價，一定要人工極低先得，因為有最低工資，所以只能極大量失業
絕大部分人連供都供唔起

你覺得有咁既可能就已經無可能
無人會估到發生咩事 到發生左大家都後知後覺
咁先會大跌到沙士咁
而家陰跌但係好多人都開始覺得個價已經可以買

會呀會呀，等多一陣，而家千祈唔好買

今時今日俾都唔要啦

人工點為之極低？個個定義都唔同
2夫婦月入加埋10萬都唔想買樓，
因為前景真係唔明朗
幾年後仲有無工返，有無被外勞主導？被AI取代？
換位思考，如果自己係老細請人，工作能力/特質都係襟捱、刻苦耐勞，但外勞人工平d，面對眼前利益，有幾多人真係願意揀自己香港人？
唔好話人工下調，5年內份工保唔保得住已經係問題。

用投資角度諗：宜家既新樓平過3-4年前買既舊樓，點解仲要俾多左錢，住舊樓？當中仲未計舊樓管理費/維修費貴過新樓。
有d人就話設施配套問題。香港有幾大？由北去南坐交通工具2個鐘都去到。唔想浪費時間，用多少少錢養架車，都抵過舊樓俾多左既管理費+新舊樓價差價+心理質素

其實宜家只有人工呢一度防線仲叫守得住。
失業率一爆，樓價超過80%山泥傾瀉

會啊 你有命等嘅話

沙士買咗樓再喺早幾年高位賣出嘅好過中六合彩

Never bet against America香港樓市gogogo~
尾國會計及稅法碩士，金融bba副修哲學

點解俾都唔要？
俾間公屋你要唔要？
俾間豪宅你要唔要？

而家都開始裁員潮啦

唔要

負債金額多過沙士好多

外勞一車車入哂各行各業，好快守唔住
大家繼續快樂北上消費啦

反正都等左咁耐，唔爭在等多陣，先失業率上升，再考慮買定唔買

等到同等唔到都係咁樣生活。

我睇法係香港人都當樓係投資工具.

只要預期會升啲人就會爭住買，都唔會理個 supply demand 係點.

相反預期會蝕錢就冇人想買，有需求就租住先.

其實好似 momentum trading 咁， 所以我會留意政府政策有冇想推翻郁個樓市.

因為當預期會蝕錢呢個諗法一旦變咗根深蒂固，就會好似日本失落30年咁，就算經濟面係點，啲人都係唔會買，樓就一直陰跌。

但講真，當政府唔會再講明日大嶼 / 樓市過熱，反而金管局出曬面幫新世界 （明知新世界收皮樓價一定會跌），賣唔到地就由得佢賣唔到，財赤就財赤下先，你會見到政府想點。

開始有返 IPO, 港股升下升下都企穩左，仲有一樣有爭議性嘅諗法，其實我唔認同成街都兩餸飯 / 飲食 / 工程失業就話香港經濟唔好嘅睇法，我反而睇香港 gdp 增長去評估香港經濟表現，我覺得咁樣好似全面啲。

香港地，大把人好唔掂，亦都大把人好掂。
購買力肯定有，只係個個想摸底，怕蝕抵。
啲租金再係咁升上去，啲樓價再係咁跌落去，
租金回報去到8厘、9里、10厘，你方啲人唔衝住去買嚟做收租佬？反正乜L辣椒都切晒

呢個世代香港人好現實，上至金融佬，下至公屋仔，人人都識玩啲財技。邊度有着數，啲港紙就自然會碌去邊度。

goodest logic

到股市8000點，大學生人工7000蚊果陣啲樓咪沙士價囉

支持你繼續慢慢等
直到百年歸老

你買唔買得起樓？