一時心血來潮北上植髪，竟然收一半價錢都肯幫你做

天生髪線高 一直都有植髮的念頭 但冇諗過真係去實行
上個星期日無聊search吓深圳植髪 加左鵬程客服的WeChat 當時只係想了解吓個價錢 佢叫我影額頭嘅相俾佢睇 跟住幫我計咗條數話大約需要2500個單位 9700人仔搞掂 聽佢咁講即刻心動 心諗原來咁平架 跟住佢就問我幾時有興趣上去面診 話關口有專車接送且面診係免費 反正係星期日唔使返工 咁就同佢講而家上去睇睇

喺羅湖過關之後真係有Uber接送直接去到醫院 好快開始面診 原來有幾個plan揀 我揀0.6mm口徑微針技術 佢話我需要植3800株 計埋計埋total 52000幾人仔 我即刻O晒嘴 我話個客服話9700我先嚟㗎喎 問咗佢有冇隱形消費佢好肯定答我冇 點解個落差大到咁嘅

跟住佢就同我解釋咗一大輪 既然都黎左 睇左啲案例又好心動 都決定做 之前有睇YouTube關於植髮嘅片 知道可以講價 叫佢俾個折話下個星期先過嚟做 最尾講到39800港幣 但即日做先係呢個價錢 其實完全冇去過其他醫院格價 我淨係知道擁禾、鵬程、大麥呢幾間口碑都唔錯 當時衝動得滯都應承左即日做

跟住俾錢嗰陣時，點知張信用卡錄唔到 來之前問過佢如果今日做使唔使帶現金使唔使唱定人民幣可唔可以碌香港信用卡 個客服話唔使 話間醫院好多香港客人都係碌信用卡 但係穩陣d我都係帶咗$18,000港幣上去

碌咗幾次碌唔到 佢哋緊張過我 又換咗幾部機都係碌唔到 睇佢哋幾乎諗住放棄嗰陣時我話我得$18000港紙現金 唯有下次先做啦 佢哋好似重燃希望咁 捉住我去剃頭髮話即刻準備手術 我話吓 你唔驚我走數㗎 佢話唔驚 你哋香港人唔會嘅 我話吓 即係大陸人會啦 佢地冇答 總之知道我身上面有現金開始 就開始進入手術準備中 反而係我覺得不安 收唔足錢都咁積極肯做 會唔會幫我做最平嗰個plan架

成個手術過程加埋中間食飯時間總共六個幾鐘 除咗打麻醉有少少痛 成個過程都唔痛仲訓著左兩次 做完都夜晚12點 醫院包一晚免費酒店就喺醫院隔離大約100米處

關於手術過程嘅嘢有人問先答 我聽日要上深圳間醫院清洗血焦 其實有諗過 $18,000肯幫我做呢個手術 又唔驚我唔俾埋啲尾數 成件事我都幾震驚下 我會覺得即係$18,000其實佢哋都有賺先會肯做呢個手術

大家點睇？

俾多少少去台灣好撚過啦
大陸野都好信
發炎或者細菌感染你都大撚鑊

植完係咪都要繼續食藥

走數啦

佢話我係精細微針技術唔需要食藥 佢俾咗支消毒噴霧 話正常外噴一星期就得 FUE技術先需要食藥

上次喺連登睇到個關於直髮嘅post 有人話呢間唔錯 同埋都唔係有晒計劃去做呢個手術係臨時臨急決定

食藥保住你原本果d啊，植果d冇事，原本果d繼續甩，咪變河童囉

你植完前面 唔食藥後面咪繼續甩

佢應該係講緊食保記
你唔食其他位一樣會繼續甩
只係拎左其他地方嘅頭髮整密啲前額個位
但雄禿係冇解決到

同你講唔洗食藥 你真係聽佢講就好笑

我原本的頭髮好健康 冇禿髮脫髮情況 只係想改善髪線問題 我知食藥係改善雄性禿

建議你食藥

但我天生髮量都多 冇禿冇脫呀

又可能因為我係女仔 冇雄性禿間題？

呢排有輕微山羊角
都想返深圳搞 諗緊

有冇依家個頭嘅圖睇？

當然有 唔會post啦

佢睇我幅相都話輕微 1200-1500株就夠 結果去到變咗3800株

你俾貴左

d尾數仲未俾 應該仲有得傾 衰啲講句 條尾數我唔俾佢都奈我唔何 但又做唔出

佢哋肯半價做手術我都知原本個價俾人撳水魚
巴打知道應該係幾錢嗎？

你同叫完雞唔俾錢

去土耳其做30000有找（好似係

朋友做過9000都唔洗，成年都無變過，大陸真出色

唔信大陸都唔會信台狗
想平去韓國整好過