電商點樣加速貧富差距

以前，街頭巷尾嘅小商家係賣生活用品嘅主力。嗰陣時，價格唔透明，消費者通常會就近喺樓下小店買嘢。因為資訊唔流通，唔同類型嘅線下零售商可以靠價差賺錢，市場競爭相對穩定，大家都有飯食。

而家電商時代，資訊變得透明，消費者可以輕鬆喺網上比價，搵到最平嘅貨品。呢個改變對消費者嚟講係好事，因為佢哋可以用更低價買到嘢。但對傳統零售商嚟講，卻係致命打擊。電商平台嘅崛起，淘汰咗大部分中間商，同時亦淘汰咗產品質量差、價格貴嘅商家。市場上留低嘅倖存者，係嗰啲有能力大批量生產、擁有強大供應鏈嘅源頭廠家。

呢啲源頭廠家靠薄利多銷，喺競爭激烈嘅電商環境下搶佔市場，佢哋最終攞走咗大部分利潤。另一方面，直播帶貨嘅頭部網紅，憑藉強大嘅流量同影響力，亦喺呢個新時代賺取巨額收入。結果，電商生態令財富越嚟越集中喺少數大廠家同頂尖網紅手上，加速咗貧富差距嘅擴大。

電商帶來嘅資訊透明同效率提升，雖然惠及消費者，但亦令市場優勝劣汰更加殞烈。無能力跟上嘅中小商家被淘汰，財富流向少數有資源、有規模嘅玩家，貧富差距因而進一步拉闊。

冇錯，極之同意

AGGER, 帶旺埋物流

做飲食

得飲食同服務行業仲要實體舖

資料透明就開始冇人情味
但人情味咪又係金錢嘅味道
我平啲賣比你 即係我賺少左

call車屌打的士

但整體而言都係好事

你一樣可以掉轉諗
以前個窮人比人昆買貴幾倍
依家用個平價就買到 慳返唔少

中學個陣200-300 買一條褲/衫都覺得值 完全唔諗
過左十幾年
依家淘寶$100貨仔都要左諗右諗驚蝕左後悔

唔好話零售
過去呢十幾廿年都kill左好多輕工業commodity 中間d trading
好似得番架仔死都要中間攝一兩浸trader importer 黎俾佢地食價差
以前呢咋貿易公司養起左幾多人

到而家賣車都係, t 車直接自己brand 自己廠自己賣
唔似傳統車廠你一定要經淫孚呢類經手人抽水代理