TVB同騰訊簽左約，將會翻拍《笑傲江湖》

張振朗一定唔得，太老
丁好少少但都要摵甩果陣陰柔味

近十年最大最題就係俾大陸拍禍晒，
全部小白臉青靚白淨，個個都太監咁
搵個man少少既都難

以前個班冇演技都有樣
而家個啲個樣先唔講佢靚唔靚仔 直頭一啲主角相都冇
咩張振朗 茄哩啡樣 原來拎埋視帝
陳山聰條垃圾緊加唔洗講 返到大6 有個小配角做都執到

令狐沖其實大部份時間都係受重傷，同埋發女寒，應該唔使太man bor，但要儲陣氣爆一場，嗰下要型多爆就掂

我意思唔係喬峰果種man
例如原著會話你知林平之係青靚白淨型
但令狐沖就絕對唔係
令狐沖可以唔洗好靚仔
霍建華果種風格，個人真係麻麻地
呂頌賢一流，但而家有無呢種男角我唔知

李亞鵬版我認為得林平之個角色做得好

不過一直諗唔明，青城派做乜9要加變臉元素落去

反正都係用老野，不如用王浩信做令孤沖，蔡思貝做任盈盈，陳自瑤做岳靈珊，張振朗做林平之，羅樂林繼續做任我行，東方不敗就用單立文，岳不群就劉丹

邊個做楊過
邊個做小龍女

idea唔錯

同意，睇返tvb而家啲藝人
完全冇條件，冇能力翻拍金枝玉葉 溏心風暴 巾幗梟雄1 個類實力派互相鬥演技嘅大野
次一級 1號皇庭 衝上雲霄 妙手仁心 都諗唔到有咩人孭得起
連以前啲細野 情迷黑森林 青出於藍 破冰轉身 呢啲冇咁考演技嘅都未必拍得好睇
最後拍黎拍去都係黑社會呀 臥底呀 警匪
緊係啦 啲人咁嘅外貌氣質 你叫佢做醫生，鬼有說服力咩
做古惑仔換件衫行得

好似話青城係四川，所以成日變面，打緊交都變面，唔怕被人殺死咩
咁其他派又唔見加呢啲奇奇怪怪嘅野

廠景拍？

睇過咁多劇集版既笑傲江湖，1996年既笑傲綜合真係拍得最好睇嘅一部笑傲江湖劇集。
1996版笑傲江湖最出色既就係選角，選角大致上都係忠於原著形象去選角，特別是啲配角。王偉完完全全將書中既岳不群帶到幕前，將佢既虛偽演到入木三分，特別係岳不群自宮後既演出。羅樂林活活演出既任我行既囂張狂妄但又心思細密對任盈盈又十分愛護既情感，魯振順演活咗東方不敗既神緒，直頭係金庸認為演過最出色既東方不敗之一，孫季卿演活咗瀟湘夜雨莫大既身材瘦長臉色枯槁，披着一件青布長衫，洗的青中泛白，形象甚是落魄，莫大殺費彬果幕隨時係孫季卿從影以來最型棍既一幕，演桃谷四仙既郭德信，焦雄，虞天偉同博君將桃谷四仙（呢個版本將桃谷六仙改為四仙）既瘋癲同詼諧都演得十分出色，仲有好多配角平時係其他劇集都係演路人甲，但係呢部劇集佢哋都演得好出色

而配樂方面，係劇中既「笑傲江湖」真係好好聽（不過呢部劇集有偷用三國志英傑傳既bgm

而有一啲劇情用蒙太奇既方式去表達，最印象深刻就係岳不群猶豫緊應唔應該自宮練劍，佢呢頭講完唔通真係要自宮鏡頭就即刻影住把劍由完整到折斷十分應景

仲未有人講任賢齊版

覺得任賢齊先最有令狐沖浸味

唔會幾十年後都揾返魯振順扮東方不敗掛。

不過應該又係啲合拍片，又成堆大陸演員

當年黃日華演喬峰果部天龍八部次次出場都自帶bgm 型撚到

梁家仁咪都係矮
胡軍

唔知點解如果係十年前左右拍既無線會搵林峯演令狐冲
今時今日拍呢啲劇下下都以樣行先唔理忠唔忠於原著形象，唔知點解覺得劇組會搵劉俊謙演令狐冲或者林平之（雖然唔知佢係咪邵氏人）

每次出場都自帶bgm

今時今日拍，如果唔理係咪一定要無線人同埋邵氏人，唔知點解劇組會搵Anson Lo演林平之

林明楨做任盈盈

而家嘅TVB真係冇咩人可以用

西門吹雪,甩皮甩骨到咁

令狐冲係要MK仔風格

嚟嚟去去等陣又係馬明，陳山聰？

馬景濤 先係經典