『我媽為張咗香港身分證迫人離婚』

我有時上網都睇到婚外情破壞人哋家庭嘅post冇諗過今次會發生係我身上… 仲要係我媽咪係第三者… 我同妹妹都係香港出世所以有香港身分證 但到前幾個禮拜無意中聽到媽咪係咁叫爸爸同佢本身個老婆離婚… 因為想要張香港身分證… 其實好細個嘅時候我都知我媽咪係人哋第三者 當我知道嘅時候內心覺得佢有啲嘔心 唔知點面對佢好…到最近無諗過佢越黎越癲要拆散人哋頭家…我睇唔過眼先出post想知有咩解決方法(已經同媽咪傾過 但佢話都係為我同個妹好 可以黎香港一齊生活…仲話如果唔鍾意個uncle到時可以飛起佢…)唔好意思…我真係唔想再咁落去 希望大家可以幫下我🙏🏽

因為我唔想繼續因為我哋屋企而破壞其他人嘅家庭 如果有需要我唔介意post我媽咪張相出嚟🙏🏽

加返標點符號先可以討論。

post張相出嚟再講

唔好意思大家，等我加返啲符號等大家睇得舒服少少🙏🏽
-
話說我有時上網都睇到婚外情破壞人哋家庭嘅post，冇諗過今次會發生係我身上… 仲要係我媽咪係第三者？！我同妹妹都係香港出世所以有香港身分證，但到前幾個禮拜無意中聽到媽咪係咁叫爸爸同佢本身個老婆離婚！原因係為咗想要張香港身分證！ 其實好細個嘅時候我都知我媽咪係人哋第三者 。當我知道嘅時候內心覺得佢有啲嘔心，唔知點面對佢好…到最近無諗過佢越黎越癲要拆散人哋頭家…我睇唔過眼先出post想知有咩解決方法(已經同媽咪傾過，但佢話都係為我同個妹好，可以黎香港一齊生活…仲話如果唔鍾意個uncle到時可以飛起佢…)唔好意思…我真係唔想再咁落去 希望大家可以幫下我🙏🏽

又咁講，
其實佢都係為你同個妹好，
可以黎香港一齊生活…
如果唔鍾意個uncle到時可以飛起佢嘅

個Feel好柒街瞓... 你老母係姓葉？

我同個妹都成咗年～我覺得我媽只係為咗張身分證先講到咁偉大…同埋爸爸都已經好盡責有比贍養費仲供緊我同妹妹上大學…所以我都有返下pt等爸爸冇咁大壓力…同埋我真係冇眼睇我媽咪一直迫爸爸去同佢老婆離婚…

姓曹

子女可以申請父母來港，一般是透過申請單程證（前往港澳通行證）來達成。 此種方式需要符合內地公安機關規定的條件，例如父母年滿60歲且在內地無子女，則可申請來港投靠子女。
詳細說明：
1. 申請單程證：
內地居民如欲來港定居，需向戶口所在地的公安機關出入境管理部門申請單程證。
2. 投靠父母的條件：
如果父母是香港居民，則子女可申請單程證來港投靠父母。
投靠父母的資格：: 內地居民如欲來港定居，可以向戶口所在地的公安機關出入境管理部門申領《前往港澳通行證》（俗稱「單程證」）。


等唔等到？

好彩你似你老豆

你阿媽咁樣做真係好唔得 建議post佢出嚟

睇黎你同樓主阿媽都係同一類人

我都有同媽咪講過我哋可以申請佢黎香港～我唔知佢係同爸爸嘅老婆鬥氣定點 係都要佢哋離婚…我媽咪仲成日講佢唔要再輸，要對面個姨姨冇咗個老公…我記得細個幫爸爸聽電話，對面有把小朋友嘅聲問佢返唔返屋企(爸爸之前係一直同對面嘅姨姨一齊住，有時會晏晝或者放假，爸爸會過嚟我哋屋企過夜～）

想利申返其實我唔可以幫理不幫襯 又或者偏幫對面嘅姨姨我只係睇唔過眼我媽咪咁做…做第三者已經好衰…仲要係咁叫人離婚…（好驚啲人以為我係正印 所以利申返先)

你唔驚 又做咩要利申？
有冇諗過媽咪都係因為驚？
要真正醫好你媽咪 就關心下佢吧

有！我有真真正正喺佢角度諗過，亦都有開解過佢… 但每次換黎嘅只係兜把星同埋鬧交…

佢已經無法面對自己lu
人就係咁
你唔好學佢已經好叻
但你唔好憎佢
只會令佢更驚 更加惡化落去

為你地好都係一個說服大家既理由姐
實際黎香港打工個收入同大陸真係差好遠

咁你老竇都好仆街

呢d野最好唔好理，由佢自然發展算

先post 你同妹妹 自拍上來再講

想問下，你同你妹今年幾歲？都讀緊書？

我21，妹妹19 都係讀緊大學

感情出軌嘅野有咩理唔理親唔親
話鳩知佢地啦,對家比人迫離婚迫到跳樓都係佢自己攞黎
受唔起後果學咩人出軌啫

收到～我會嘗試下謝謝你