有次因為工作關係 搞到食飯時間遲咗
而我嗰日 本身一早就訂咗飯 平時食飯我就會早少少食 廢事同啲𡃁仔逼
遲咗放lunch 我就廢鬼事煩 諗住出去食就算
訂飯嘅錢就算鬼數 唔好搞咁多嘢 一心就諗住出去食
而阿A亦都知我 "訂咗飯但係又想出去食" <-- 嘅呢個諗法
阿A前前後後問咗我十幾次係咪真係出去食
我都答"係" “廢事同人逼” "唔好搞咁多嘢" "我今日想出去食" 之類嘅說話覆返佢
阿A：咁好啦 唔好晒 你個飯唔要 俾我食
咁好啦 我都好人做到底 陪阿A去canteen攞盒飯上房
點知搭lift前 阿A同我講
阿A: 我已經訂咗panda自取 幫你拎個飯上去
咁我就o撚咗 同阿A一齊搭lift返房先 去到房門口
我：咁你即係焗9我食啦
事後我哋討論返 阿A嘅立場就係
"因為佢解決咗 <喺canteen同人逼嘅情境> 所以佢咁嘅操作係啱 好合理
而我講到 佢無視我意願 自把自為嘅時候 阿A就會覺得 "嘩 你拎呢樣嚟講咁你實啱" 好似包剪揼出必勝咁
跟住我再成件事講返嚟俾佢聽嘅時候 阿A就會話我foucs晒喺D "唔好嘅方法" 例如: "無視我嘅意願" "設個局氹我食嗰個飯".
一味覺得成件事個package 咁樣解決係最好 唔應該foucs晒喺呢D位 就開始話我negative
諗吓自己take咗咩benefit (慳咗食飯錢)
每當我講D 阿A自以為正確 但係我唔認同時
阿A就會開始話我 "好negative" "點解會諗到我咁衰" "你知道我唔係咁架" 之類嘅說話
當日縱使我講咗十幾廿次 想出去食
阿A都話我表達得唔明確 如果我表達得好D 佢就唔會咁做 總之佢自己就唔係錯嗰個
我就話：你問我係咪出去 咁我梗係平心靜氣咁答
之後仲話我唔想食個飯 可以食佢個外賣自取
問題係點解我一定要食個自取/canteen個飯
唔可以自己出去食
去到呢個位又會loop返去
"嘩 你拎呢樣嚟講咁你實啱" 好似包剪揼出必勝咁
無限loop
巴打們 對住呢啲同事點好 好多嘢都要同佢一齊做
