咁我就拎去豐澤，點知個職員話：「唔使驚，你部機仲有保養呀，整完可以攞返單嚟 claim 錢。」
跟住我依足指示：打咗張收據上面寫嘅電話，接線生都話可以去 Samsung 維修中心整好再 claim 錢，仲話整幾百蚊多數無問題，千幾蚊就穩陣啲問下佢哋先。
咁我就山長水遠咁去咗 Samsung 維修中心，職員話要收 $200 檢查費，整完會 WhatsApp 報價。嗰陣我就已經講咗：「我係去 claim 錢㗎，要攞報價單去豐澤。」佢話 OK，但唔係佢哋處理保養賠償，叫我自己搞。
點知報價單 send 嚟就淨係寫咗價錢同要換嘅部份，一個字都冇講點解壞。重點係壞嘅原因係唔寫嘅。
整好咗我就去拎機，再返去豐澤門市 claim 錢，點鬼知職員就幫我影晒啲單 send 去佢哋負責部門，然後話我：「幾日後再打電話嚟 confirm 吓先可以 claim。」
心諗：咁都幾煩吓，不過拎到錢都算啦。
點知即日就有電話打嚟話：你部機係「人為損壞」，唔包保養！
我即刻黑人問號：咁即係我洗咗錢整完部機，再比你哋話我唔包？
重點嚟啦報價單最後先寫咗「Physical Damage」，但係之前維修中心職員從頭到尾都冇講，連報價 WhatsApp 都冇提一個字原因。
而且之前豐澤兩個職員都幫我睇過部機，都話冇裂痕冇入水，仲話正常咁樣整完可以 claim。
而家咩都做晒，啲人淨係話：「唔好意思呀，唔包。」
你哋 sell 保養嗰陣講到天花龍鳳，話咩都包，咩都 claim 得，
結果真係壞咗就話「全部唔包」
而且全程好似打官司咁，每一個部門都話唔係佢負責，叫你搵第二個部門。
我係個波咁俾人踢嚟踢去：豐澤門市 → 打電話 → Samsung 維修中心 → 拎電話 → 再返豐澤門市 → 跟住再打電話 → 再打多次電話 → 最後仲要再去 Samsung。
最後我再去維修中心，因為指紋壞埋啦，順便同職員講我 claim 唔到錢。佢都覺得奇怪，話就算 mon 爆都應該賠部份嘅喎。但張單一寫咗「Physical Damage」就 Game Over，唔改得。
咁我問：咁你哋賣個保養嚟係包咗啲咩？呢啲都唔包？
咁我就話你嗰個人為破壞，淨係得個一行點改知喺邊個部分。真係龍門任佢搬，明明照住職員指示做足曬，最後都係一句「唔好意思我哋幫唔到你」完事，啲損失就我攞上身。
我打電話去嗰個客務中心嘅時候，個八婆仲要喺度話幫唔到我唔關我事，嬲到我即刻話去投訴消委會，條八婆竟然話咁我就去回覆消委會啦。wtf 串過馬撚
Dllm即刻去消委會投訴
所以各位巴打千祈唔好買豐澤任何保險， 佢講到天花龍鳳咩都補最後佢都可以屈你 ，係你整爛嘅乜都唔補。
