貝鈞奇：我都買唔到港隊球衣 料足總要求製造商增加供應

港足昨晚在啟德體育園主場館出戰亞洲盃外圍賽，絕殺印度贏波。有球迷在早上便排隊希望能購買港隊球衣，足總會長貝鈞奇今早接受商台節目訪問，稱「我都買唔到」，但預料足總市場部會與製造商要求增加供應。貝鈞奇指出，港隊波衫「過往好難賣得出去」，球隊「近年打得好」、「一批好忠實球迷擁躉不斷支持」，從而擴大了球迷圈子。

https://www.inmediahk.net/node/%E9%AB%94%E8%82%B2/%E8%B2%9D%E9%88%9E%E5%A5%87%EF%BC%9A%E6%88%91%E9%83%BD%E8%B2%B7%E5%94%94%E5%88%B0%E6%B8%AF%E9%9A%8A%E7%90%83%E8%A1%A3-%E6%96%99%E8%B6%B3%E7%B8%BD%E8%A6%81%E6%B1%82%E8%A3%BD%E9%80%A0%E5%95%86%E5%A2%9E%E5%8A%A0%E4%BE%9B%E6%87%89

昨晚賽事共有42,570名球迷入場，貝鈞奇指昨晚的氣氛、入座率均屬歷史性，球場內亦有冷氣供應，而關上天幕令球迷打氣聲更集中，「大家都好滿意」。被問到港隊波衫供應不足，貝鈞奇稱製造商屬國際大品牌，對方曾評估「香港球迷唔會話好多」：「可能突然間呢次，個個入啟德支持港隊，人人都想著件港隊波衫去打氣，因此供不應求。」他表示，兩年前已出現球衣不足的情況：「好多人話貝生你幫我去足總買件啦，你做會長都買唔到！我話買唔到就買唔到，我都無話可以私底下交易㗎嘛。」

主持問貝鈞奇是否有購入港隊新球衣，他就表示「我都買唔到」：「我咁耐淨係買過一次，當年2008年足總盃為汶川地震籌款，拍賣5件英超波衫、1件香港隊波衫。5件英超波衫，件件都20萬，港隊嗰件拍賣到2萬，就無人再購。我就話唔得喎，香港隊無人要，我10萬蚊就買咗嗰件，拍賣返嚟唯一一件港隊波衫。」

貝鈞奇最後表示，相信足總市場部會與製造商要求增加供應，指港隊波衫「過往好難賣得出去」，球隊「近年打得好」、「一批好忠實球迷擁躉不斷支持」，從而擴大球迷圈子。至於港隊往後會否繼續使用啟德體育園主場館作主場，貝鈞奇就稱「可以傾」，稍後會與啟德協調。

在該場啟德地標戰中，足總為球迷送上「入伙禮物」，製作印有巨龍圖案及寫有「港隊勁揪」的巨型橫幅Tifo，並在賽前展示，不少球迷都形容場面震撼。球迷組織「波台黐線佬」成員Chester 在同一節目稱，昨日球場氣氛令人感動，自己在賽前展示巨型橫幅、播放港隊球員出場影片及入球後先後落淚。

Chester表示，昨晚有三、四成球迷均眼濕濕，港隊球員出場影片更可以比得上英超：「喺香港波係從來未無類似嘅動畫，嗰一吓毛管都戙。」他又表示，「feel 到足總準備咗好多嘢俾球迷踏入呢個啟德場」。

談到該份「入伙禮物」，Chester 透露賽前只有數十人知悉詳情，包括部分足總職員、球迷組織成員，並指今次由足總提出，希望為球迷帶來驚喜。他表示，球迷組織今次負責協調，即何時展出及確保球迷在入場後才展出：「好感動，香港都做得到歐洲式、南美式嘅大型Tifo ，好似寫下咗新嘅里程碑。」

你搞掂你隊愉園先再出黎講野啦

因為你廢lor
仲講

買到果班撚屌話好易買嫁

嘩, 今鋪香港仲唔掂過碌庶

球壇恥辱