今晚美國出CPI一定大鑊！美股隨時崩盤！

US美債危機@呂布 2025-06-11 11:17:23

今晚美股真係一觸即發，5 月 CPI 出街在即，市場氣氛可以話係山雨欲來。唔少人見最近納指、費半創新高，半導體股炒到癲，好似萬事無憂，其實正正係最危險時刻。大家諗吓，依家 AI 概念已經炒上天，NVIDIA、AMD、超微晶片商家個個一個月升十幾二十個 percent，點解？一係貪中美談判憧憬會鬆晶片出口，一係就靠市場講「軟著陸」、「通脹受控」咁維穩氣氛，但今晚如果 CPI 一 miss，通脹升返，呢堆樂觀預期即刻破滅，資金就會踩煞車。事實上，依家期權市場已經開始有明顯 hedge flow 出現，SPX 同 QQQ 嘅 IV 全線升緊，唔少大戶喺做保險，唔係齋睇戲。10 年期美債孳息亦悄悄升返 4.48%，明顯有 smart money 提前作對沖。換句話講，佢哋未必敢話今晚數據差，但肯定唔信「一定無事」。

今次 CPI 市場預期 0.2% MoM，2.5% YoY，Core CPI 更係 2.9%。如果 Core 高過 2.9%，已經夠 trigger 一輪 risk-off，因為聯儲局下星期議息，個個都以為 Fed 唔加息甚至可能 tone down，突然通脹高咗，啲降息預期一定縮水，到時美元抽高，美債孳息再抽，咁啲高估值科技股就要還番今個月嘅升幅。而半導體股更加危，因為除咗估值高，仲有好多人博中美談判鬆出口，呢啲其實係「story-driven」，一出事 market 信心爆煲，跌幅會誇張。AMD、ON Semi、微晶片科技都係呢類位處高位股，基本上成個費半已經升到癲，最易變跳樓機。你睇吓今日 Apple WWDC 開完都逆市跌，因為 AI 驚喜不足，信心一有裂縫股價就即刻唔企得穩。今晚 CPI 如果爆高，科技股唔止 Apple 跌，成個 Nasdaq 可能跟住殺。依家大市氣氛係咩？High valuation + High expectation + Low volatility，呢三樣加埋就係典型「意外爆雷」前夕嘅格局。你諗吓咁多科技股升咗幾多，邊啲資金會忍手唔 lock profit？只要一 trigger auto trade sell，晚市可能一跌唔止一兩個 percent，費半呢類波幅更誇張。

有人問今晚會唔會係 false alarm？梗係有可能，但問題係市場已經升到「priced for perfection」，即係話啲數據就算符合預期都未必夠力支持再升，反而任何細 miss 都可以 trigger 短期修正。今晚仲要配合期權到期、期指 roll over 啲 technical factor，會放大波動。講真，今晚唔係搏 win or lose，係搏唔出事先可以守得住倉。唔少人以為 CPI inline 就穩，其實只要有少少高過預期，聯儲局口風變，市場就會嚇一嚇，啲高位倉會閃人。正所謂升咗咁多日，今晚係 perfect excuse 畀大戶去 clean 啲 late comer。散戶仲喺度高追 Nvidia、AMD，唔知今晚一有風吹草動先係最大危機。

講到底，今晚出 CPI，唔係講數據好定差，而係講市場 expectation 太高，風險回報 ratio 極差，越貪越易中伏。有人會話今晚數據未必咁差，講得啱，但係如果你唔識風控，今晚變大跌就會成為跳樓機 passengers。半導體股、科技高增長股係最易爆倉板塊，今晚真係要小心操作。有人話今晚可以睇完先反應，但老老實實，CPI 出數據一分鐘內大戶已經反晒倉，到你慢慢諗完，已經 -2%。咁講句，短炒今晚最好留有子彈，唔好 all in，保留彈性先係王道。

Baby我們的股票好像跳樓機