由零開始交往，去到生命中每一個點滴，現實每個角落，全部都係屬於我哋嘅回憶。甜酸苦辣鹹全部成為最深刻嘅痕跡。失去後，先發現您已不經不覺成為我生命不可缺少嘅一半，面對肉體心靈都冇左一忽，悲痛同眼淚係會不自覺襲來，明白原來空虛係咁嘅意思，生命得返軀殼，不能再感受快樂。
好想再有機會𡃶您額頭，聽您分享日常，再相擁入睡，睜開眼睛第一眼可以見到您；同時又想欺騙大腦放下，接受現實，面對您已經唔再愛我，面對您可能根本冇愛過我。
我從來唔聽陳奕迅，但唔知點解大腦最近不斷響起「要擁有必先懂失去怎接受」。原來愛教識我最大嘅課題係失去，面對失敗比學識成功更難。曾經覺得愛一個人一生好難，但原來要undo去唔愛一個人係仲難。真正嘅愛全部係一生，刻骨銘心一世。