星洲快閃遊記

話說早排知道香港隊會係亞洲盃外圍盃作客新加坡之後，已經想去新加坡作客打氣兼食下野。由於比賽就係星期二晚進行，最快閃係可以即日來回/請1日假，不過既然有星期六日，就不如早2日到新加坡，順便遊一遊新山

黎緊香港將會係第一次係啟德主場迎戰同組最強對手印度，大家多多入場，坐爆啟德，支持港隊

Day 1:

買機票時錯過左聖誕節promotion ，買唔到$2000以內國泰直航機票。於是買左最平機票係來回紅眼航班。

臨登機前與同機球迷影返張相就上機，班機6點前就到新加坡，係T4入境，要搭返shuttle bus返T1，短暫行一行個商場，不過連個室內瀑布都開





同個位球迷暫別後，就自己搭地鐵去酒店。之前都嚟過新加坡兩三次，發覺同香港真係非常之類似，房屋/交通/街道係一樣

今次嘅酒店咁啱喺新加坡足球勝地附近，可惜比賽場地就唔係呢個球場




喺酒店大堂休息咗幾個鐘之後，就慢慢行過去bugis 附近嘅喜園咖啡室食個新加坡早餐，食咖央多士再加半熟蛋，配返杯南洋咖啡，好好食



Bugis 附近環境





食完之後就call grab去woodland control point北上新山。喺的士上同個新加坡司機一齊傾吓新加坡同香港嘅情況，佢哋都面對貴物價，佢哋都會星期六日北上新山，細路都係競爭大既

去到邊境，都係搭巴士過境，有d似皇崗口岸，兩地兩檢。之後就join幾位波友去jdt 柔佛球場參觀下，呢個球場係屬於柔佛州王室的物業。

個導賞員帶大家遊覽球場，球場既更衣室/物理治療室/媒體室等，同我之前係歐洲參觀既球場係一樣咁靚！


球場外觀

球隊大巴


主隊入口，幾金碧輝煌豪呀

主隊比賽前休息室，有ps5玩

主隊熱身的地方，超多設備

主隊更衣室，張椅係賽車椅黎

主隊既按摩浴缸


準備走出球場




當時球場有d位置做緊工程，導遊話千奇唔好影到，話會影響到王室形象



採訪區域


客隊熱身室，無乜設計架


客隊經過既地方會有呢d宣傳

參觀完球場都未食lunch,就試下球場快餐店burger，絕對好食過香港個d，又大份又平！不過係無豬肉既，因為嗰陣時係齋戒月




牛肉漢堡

芝士煙肉配薯條

Live

想問下樓主係咩時間去新山？
Weekday/weekend? 上下晝？
新加坡去新山要幾耐？
過關時間快唔快？

Plan黎緊去星馬遊

留名

大推

點解唔坐SQ

最近同fd去窮遊星馬，我地貪平住新山關口附近既酒店，但新加坡機走。新山去新加坡條橋成日塞，星期六、日最高峰，不過巴士有得行得快通道，我試過星期日搭塞左廿分鐘到去新加坡關口，睇下你會唔會搭火車，因為佢啲火車好少班次，買個陣又難買，巴士就24/7都有車。

我自己通常會搭黃色既cw2因為佢係直通車，由新加坡關口到woodland就45分鐘到，計埋馬拉起步就大幾個半鐘，因為佢等車都幾耐下。要注意既係同一架車喺兩地上係收唔同錢，我搭開cw2 馬拉上好似係2.4RM，喺新加坡就3.x坡紙。 係新加坡上車我建議你可以搭鐵去DT22，行去CW2 - Causeway Link Bus Terminal大約三分鐘到。

留名

個burger 睇落幾正

今晚會入場lm

月尾都去新加坡
柔佛個球場又幾靚

應該係4.8
馬拉上就4.8MYR, 新加坡就4.8SGD

有時間就call grab 過去，球場幾靚，值得参觀
之後再call grab 去埋outlet，幾大幾平架。

好好食肯定平過係香港食five guys個d

星期六下午去
過關時間唔算耐，由woodland control point落地到係個邊關口出黎都係1小時內

因為貴過cx,航班又唔岩

今晚當然要入場，坐爆啟德

有得睇空姐走光
仲要sq啲女全部揀過先請
唔係cx 美航 歐航咁成堆阿嬸阿伯
幾貴都值

昨晚場波，非常難忘，一個完美劇本既故事

Day (1):續

最後就落返去市區，係海邊搵間地道餐廳食海鮮，叫左好多海鮮，都係每人hk$120度，d海鮮又新鮮，當地人煮得又唔差










夜晚就過返去新加坡，係多人返去既，係woodland搭返去酒店個邊都要45分鐘時間。


酒店對面已經有小型hawker centre,做到凌晨1點


酒店係無窗既，閣樓黎

新加坡酒店性價比超低

我呢隻房要hk$7xx/晚

Lavender 應該住hotel boss

Day 2:

10點幾先出門口，行20分鐘去附近既結霜橋喇沙，去到已經見到10幾人排隊，結果等左20分鐘叫2碗黎食，因為比較細碗。佢用炭火黎煮，佢調既味道唔係偏辣/椰奶，總之係幾特別


當地既舊式組屋




香港既新世界就乃野啦




真炭火


食兩碗就滿足

食完就隨意行上去小印度，只係行幾個街口就成個社區既全部係印度人，呢度既紀念品店都比較便平
心血來潮跟住就去竹腳中心食返印度薄餅加埋咖喱雞，都係SG6，當然比香港平啦。


北上過兩/三個街口已經係印度區想返起重慶大廈


價錢都平




竹腳中心





離開小印度就行返落去小阿拉伯區附近食返碗蝦麵，繼續食野！呢個蝦麵個味道係濃郁，值得一試

球場果個burger同薯條睇落好正, 咩價錢....

Burger就21.xx馬幣，薯條就14.xx馬幣

住左另一間