陳凱詠新歌MV被嘲似「大蛇丸」掀罵戰 JACE霸氣回應：話我怪我好開心！

獨立歌手JACE陳凱詠日前推出全新跳唱歌曲《SWITCH》MV，繼被指拍足37小時的誤會後，JACE大膽前衛的造型及曲風卻惹來不少爭議。最受熱論的是尾段一幕令人震撼的特技場面，當中JACE的頭部竟如蛇般詭異延伸。有網民在Threads發帖直指：「有冇人覺得Jace依家越嚟越偏鋒……」更有網民懷緬在環球唱片時的她，認為當時的作品「正常好多」。有人更將這個場面與日本動漫《火影忍者》中邪魅角色「大蛇丸」作比較。

MV於果欄、懷舊金行及老字號茶樓等具港式情懷的地方取景，花14小時走5個場景拍攝，但不少網民均聚焦於「蛇頭」的特技場面，面對質疑聲音，多位圈中人如Moon Tang、陳健安等留言力撐，其中李拾壹在社交平台留言反擊：「可唔可以賜教一下咩叫做偏鋒？偏鋒會點架？好似好型。」有資深樂迷更一針見血地指出：「懷疑梅艷芳依家出道都俾人鬧佢小眾同造型Kam」，獲得大量網民認同。

JACE則選擇在個人Threads以強勢態度回應：「你哋每一個同我講好鍾意好睇好正好奇怪其實令我好開心」展現出對自我創作風格的堅持。JACE更親述今次親自參與MV的經歷：「希望透過大膽前衛嘅表現手法，打破大眾對本地廣東歌的固有印象。我是一個樂觀的人，明白一開始未必好多人理解，但作為創作者這是我的本分，如果大家鍾意請大聲話我知！」

大膽創新既前提係好聽or 至少唔難聽香港人真係好中意將冇實力既標奇立異當成自己既風格

林家謙果種唱腔可以接受，而且旋律創新好聽，但Jace 真心冇料亂9咁黎

非主流過非主流

非主流唔代表好

Jace都只係賣樣 如果唔係佢嘅外表 以佢啲歌嘅質素邊有咁出名

遊戲機廣告歌？

唔係個個拎住創意個名就可以亂嚟
你想劍走偏鋒玩自己想玩嘅野就預咗大眾未必會受落
成日話依種曲風外國好hit, 係香港人唔識貨
香港人唔buy就係唔buy㗎啦，冇得逼
孤芳可以自賞，但係就唔好怪愈嚟愈少人留意你啲作品

音樂邊有分好聽難聽
好聽難聽唔係歌or歌手嘅事 只係聽嗰個嘅事
聲音講到尾都只係0101嘅客觀組合
真正分嘅係聽嘅人有分「好聽者」同「難聽者」
你覺得難聽只係咁啱你有「難聽者」嘅基因

咁講嘅話所有野都唔洗分好同差
而家係分眾嘅年代，總有野係有人like有人唔like
而最客觀嘅準則就係大眾受落嘅程度
你做歌肯定有人勁鍾意有人唔鍾意
重點係你嘅受眾係咩，而我覺得Jace而家係消耗緊公眾由脫球者嘅正面形象而去做自己想做嘅事
唔係唔啱㗎，而家唔試幾時去試
不過做得偏門嘅曲風就唔好期望大眾會buy
大眾有批評就預咗

唔好聽就唔好聽比人批評又要屌聽眾，睇怕都係愈撈愈霉

仙劍？

呢個最似

暫時未見到有人出嚟話首歌好聽撐既人都冇讚過好聽

想講,新歌第一個音就趕客

林家謙根本係把雞仔聲好難聽是但啦
反正依家啲人都唔care歌手嘅聲底唱功

一路睇一路笑 現實咁同人講會唔會比人指住個頭黎笑

點頭gif仲未出現
連登已死

所以大眾有共識係難聽真係唔容易

好似得上傳十個限時動態定時直播係好聽

痴撚線做乜鳩

唉
衰妹唱天生二品已經係4年野既事