雲浩影（Cloud）2020年參加ViuTV《全民造星III》入行，早前在港台《十大中文金曲頒獎禮》獲3個大獎，8月將舉行首次個人演唱會。
Cloud公布舉行演唱會方式好特別，在社交平台分享首次在澳門玩笨豬跳的影片，她留言︰「機會嚟啦！阿雲8月開Show！真係機會嚟啦！我準備緊首個個人show啦，同跳笨豬跳嘅心情差唔多，都好緊張，大家到時係咪都會嚟支持我？」
短片中Cloud站在跳台邊，鏡頭以外的工作人員紛紛為她打氣：「你可以㗎雲浩影！」她伸開雙手做準備，工作人員就把她推下，最初往下跌時驚慌得嗌破喉嚨，又緊閉雙眼，不久便張開眼睛，興奮大叫。Cloud說︰「嘩！做到啦！係自己一個人嘅旅程呀！Let's Go！好叻呀！大家都好叻！每個人都好叻㗎！」
Cloud有歌曲《別畏高》，梁釗峰留言：「歌名終於可以改《冇畏高》。 」有網民搞笑留言「今次真係仙女下凡」。
https://www.instagram.com/reel/DKjv7bHS01a/
