同kelly見最後一次

突然之間，一個msg打破咗呢幾年嘅空洞，就係kelly打比我，同我講，佢要同人分手了，佢返嚟香港想同我見面

呢半個月，雖然好開心可以再同佢見面，但係一啲期待嘅感覺都無，見面後，一啲心動嘅感覺都無，仲有啲唔認得佢，覺得佢嘅妝容，衣著，髮型，都同印象中嘅佢好唔同，就係一啲都唔特別嘅人，佢只係一個好普通嘅女人，唯一仲可以追溯到佢嘅位置，就係佢笑嘅時候都有啲似以前嘅佢


見面嘅成個過程只係覺得好似同普通朋友見面，臨走嘅時候同佢攬咗一下，只係覺得就係一個擁抱，無心動，無多餘嘅心跳，就係無特別

咁近同佢一齊，佢身體上獨有嘅香味都冇埋，佢只係一個樣衰咗嘅初戀，人老珠黃，唔會對佢有多餘嘅幻想，就係過氣嘅女人了

可惜故事都未有得完，見完面之後我覺得好失落，我諗其實我可能或多或少都係有一部分嘅自己，係期待今次嘅見面，期待可以見到佢，但係佢已經變成一個好遠，好唔熟悉嘅人


失落嘅位置唔係因為發生咗啲乜嘢，或者無發生到啲乜嘢，而係好清楚，對方已經同記憶中嘅佢已經越行越遠，佢永遠都唔會再係kelly，佢只係一個喺單獨喺異地生活嘅陌生人，同kelly share同一個名，但係佢永遠都唔會再係kelly了

之前個故一開頭嘅名叫做「一個等咗一個人六年嘅故事」，依家已經唔止一個6年啦，但係我等唔到了，我都已經唔係人若變了

我同佢嘅距離應該一直以嚟都唔係咁近，一直以嚟想嚟近距離嘅人應該都係我吧，但係我放棄了，覺得佢真係唔重要了，只係我清楚自己點解失落就得，唔係我仲係掛住佢，而係我知道真係要同佢永別了，

同佢，或者記憶中嘅佢道別啦

人若變記憶便迷人，情令眼淺了便情深

再見了kelly

琴晚Kelly鬧得你好啱

尋晚kelly鬧得我好岩