覺得自己20歲同30歲最大變化係邊度

20歲覺得自己讀書又唔叻 ，得個HD,成世人都只可以係低層做野。

之後時間碌下碌下，呢十年學自己細個無錢學既野，keep住做運動，去左好多唔同旅行。

依家32, 錢同人工比我當初預期好左好多，叫做唔憂生活

但係最重要既係心態，學識左2樣野

1. 做人唔好咁執著，每樣野既道路真係可以有好多條

2. 做人唔好因為一次失敗，就以後都唔敢再試，以前真係冇呢種自覺。但係其實自己潛意識有好多嘢做錯咗一次，就唔會再試依家每樣嘢做錯咗，冷靜咗情緒之後，會反省下自己有咩做得唔啱，再不斷點樣試下做返成功

啱啱瞓醒先至見到咁多留言

我喺呢度一次過回覆晒啦

認真答你完全冇做過啲乜嘢改善過自己交代吓背景先，我人生多數時間都係外國，細個已經喺澳洲同埋美國讀書，打工純粹曾經喺香港打過三年，剩低啲時間都係外國，不過我都真係去過幾多地方工作，加上我個行業係經常要出差，印度我都住過兩年

35歲之前，只係普通到冇得再普通嘅人，不過打份份工都打唔長，亦都冇乜特別出色嘅技能，做嘢又唔係特別有人賞識，擦鞋又廢（唔好以為得香港係咁，全世界打工都係仆街仔先上到位）跟住自己啲錢又唔係特別多，成撚日都手頭緊

細個讀書又係啲不過不失嘅，甚至讀書仲有啲廢添，以前讀大學每年都一定有啲unit fail 要重讀，大學都讀咗勁撚耐我一個學士學位讀撚咗八年不過我讀到第五年已經開始半工讀，同埋我又唔係啲咩壞學生甚至有啲內向，所以都冇乜特別回憶

其實人緣一直以來都正常嘅，即係成個人冇乜人憎我，但係亦都冇乜人錫住我，總之就成個NPC咁，所以唔好話20歲同30歲嘅變化喺邊，直頭嚴格嚟講我成個人生40歲前都係乜都冇變過連外表各方面都差唔多

所以我不嬲覺得我後生嗰陣時成個人生係白過



而家五字頭 係35歲嗰陣時你公司派去出差，之後識咗而家呢條女，我又唔係好明點解佢咁鍾意我，直頭鍾意到我可以食軟飯嗰隻，甚至我喺澳洲有供樓，有次同佢食飯，我隨口話：「唉，呢排大使咗，睇嚟要問財仔借住幾期數頂吓先」點知佢完全冇任何猶豫，直接問我需要幾多錢，仲要真係過咗俾我當然啦我最後有還嘅，仲要當時我哋都未拍拖，純粹朋友咋喎

係直頭乜嘢都信晒你嗰隻，我到今時今日都唔明佢鍾意我啲乜

我覺得唯一嘅轉捩點就係條女囉 我單身嗰時都好鍾意周圍嫖，我同佢正式一齊，仲要係我已經40幾歲先至一齊，佢就默默支持咗我咁耐仲要因為佢我先至賺到人生第一桶金（屌你講緊已經40歲先至賺到）

人生嘅嘢有時我都懷疑係劇本嚟 甚至我點解細個會去咗澳洲？當時我記得有好多考核要做，我明明讀書就超垃圾，但係偏偏又俾我符碌乜嘢都勉強合格過咗然之後可以去澳洲，跟住去美國讀書又係，調返轉有啲嘢明明係好理所當然，但係我死都做唔到，懷疑就係個天唔想我做，所以某啲嘢係都要做極都做唔掂

唔知大家有冇呢種感覺，好撚劇本不過我真係誇張啲講我人生40歲前都好似冇過過咁我係去到35歲出差識咗條女之後先慢慢開始有轉機但係其實以前後生又唔係話唔開心嘅，純粹係好似一張白紙乜都冇做過囉

你乞衣嚟?
有錢剩就得

20歲 乜都玩樂行先
30歲 睇錢 錢字行頭，冇利益一概唔撚做

加油 唔好放棄自己

唔係偏激，係香港甚至世界越嚟越偏離正道

無欲無求
覺得me time先係人生最重要

體力 精神

一個唔小心咬柴，轉身斷韌帶，比人飛埋黎撞傷，呢d都唔係踢法控制到

當然，不斷變速，及停嗰啲人會傷得特別快

鳩硬程度
同回氣時間

好好對佢

睇錢睇得越嚟越重要
冇錢乜都做唔到個種冇力感
屋企人有病都要用錢先有得醫 就唔會亂使錢

咁係因為你上連登啫

上少d

做開運動但明顯會覺得冇哂爆發力/加速力，跑步越黎越均速

明天就要做爸爸了

介意分享多啲嗎？你依家有無咩長期 比較大嘅目標想達成？同埋有啲咩令你覺得自己其實能力都幾勁？

2019 年後性格大變

廢架ching，我越黎越撚fit

20歲時覺得每分每秒都唔可以浪費
不停力爭上游就會成功
連訓覺都係奢侈

30歲時發現努力係無用
雖然身邊仍然會有人叫你繼續搏殺
而的確有人係上到岸
但自問已經無精力
訓下覺 打下機算數
比人覺得自己好失敗又點
我就係一個咁失敗既人
何況你永遠唔知聽日會唔會就突然死撚左

親戚全部好多頭髮
尤其老豆

是
所有上到位的都是刷鞋仔 世界仔
忠忠直直只有乞食

20 會想事業有d 作為, 對香港仲有前景
30 已經想躺平, 唔想成世凈係識返工

只會覺得所有野整定

20歲咩都好奇 咩都想試
30歲覺得自己永遠都係咁，維持到生活
間唔時有d開心
就夠

20歲開心
30歲唔開心