遊戲界真係好多cheap精，遊戲加到80蚊美金就喺度瓜瓜嘈，唔諗吓呢30年通漲咗幾多，遊戲開發成本仲要節節上升

有圖為証，加咗價啲game都仲係太平

咁咪唔好一出即買囉
睇左review甚至等佢減價先買

所以有d 覺得唔抵比就等特價

你收皮啦唔好？
一個做開免費仔對遊戲廠商0貢獻
仲大條道理鼓勵人哋玩老翻嘅人係度學人談論遊戲定價，
你係抵俾人屌

由始至終都係老屈，話我做免費仔吖嘛？證據呢？無證據唔好再喺度搗亂

完全同意，依家已經唔係30年前，可以睇晒評價先買

唔係話買唔買得起
而家到底值唔值
有返以前出上古卷軸既驚喜感出大作
1000蚊都唔算過份
但而家呀貓呀狗學人出openworld
個世界悶到完全唔係果回事

當年既主要成本係卡帶同運費，自從CD出現就直接壓返低個售價
同埋你張圖上面應該係CAD，所以會比美金再貴

無計，手遊好賺，全部都係倒模換皮垃圾game，一係就原神依啲死抄爛抄嘅game。但無論你等幾耐，啲廠都唔會移植高質pc/主機game落手機。android依面剩係gpu都分三種，adreno>Xclipse>mali ，但無論邊種gpu，佢嘅閉源driver係功能上都係提供唔到同desktop DX12一樣級數嘅功能。ios嗰面就唔使講，剩係「apple税」啲廠就已經唔係肯搞

ios近排都有家用機移植

課金game:
免費玩 玩落一排覺得唔錯咪課金當支持下又好 玩得舒服d又好

貴game:
未知岩唔岩玩就要比幾舊水玩 d co-op game買左又唔知有冇朋友一齊玩
叫個fd比幾舊水買隻game 一個禮拜得個一兩日有時間約埋一齊玩
一個唔覺意要湊女湊細路或者ot 又要等下個禮拜

講真
做到d trailer鬼死咁靚 又cg動畫又真人又剩 不如放隻長少少既demo黎試下吸引人玩仲好啦

班撚屌由細到大都玩老翻幾十蚊，一回到正版5 舊水就叫救命

以前超任博士拎floppy 去抄game，gameboy 50 合1 ，全部都係老翻野，當年正價買game 唔平得過依家幾多，仲未absorb 通脹，圍返其實仲平過以前

啲廠如果要移植game去手機，好多desktop driver有嘅功能係無，即係佢要另外揾方法解決，如果佢唔肯比錢就無得搞

你唔睇返嗰陣幾錢一個月人工？office boy有冇一萬/月？如果真係要講，嗰陣個人電腦都要幾萬一部啦，講緊文書機，根本嗰個年代電子產品就係奢侈品嚟，無老翻根本無幾多人玩得起，發達國家基層家庭都無乜幾多真係負擔得起，發展中國家更加

所以咪話舊時啲game 遠遠貴過依家

根本80 鎂係今時今日黎計一啲都唔貴

貴唔貴係由市場消費者決定，唔係廠商。現實係市場消費者普遍都覺得依個價貴，消費者接唔接受一件產品嘅價格，佢哋自己嘅消費能力只係其中一個考慮因素。以前啲人玩盗版，係因為負擔唔起，就算冇盗版，佢哋嘅選擇都只會係唔玩，因為唔係必需品，但咁樣導致嘅結果就係而家嘅遊戲市場無可能去到咁大，正正係盗版令佢變成現實。

無錯，係fans嘅話，貴一貴都會買，如果對隻game無興趣嘅話，賣十蚊美金都唔會買，真係care個價嘅只佔少數，所以賣得太平只會有反效果