https://www.facebook.com/share/v/16ioPWkDq9/
灣仔發生醉駕車禍。今日(7日)凌晨2時42分，一輛Tesla私家車沿告士打道往中環方向高速奔馳，當駛至近分域街時疑收掣不及，追尾猛撼前面一輛的士，最誇張的是，的士被撞到整架彈起。有關過程被同一道路上的「車cam」拍下，「車cam」主受驚，不禁爆粗狂鬧：「X佢老母，嚇X死！」
根據該段網上流傳的「車cam」片，涉事Tesla沿告士打道內線向西行方向狂飆，在車cam主的車旁高速而過，未幾即在分域街灣仔警察總部對出位置撞上一輛的士，的士不僅被撞至彈起，還衝前約10米才停下，部分零件散落路上，足見相撞力度之猛。
其後的士和Tesla前後停在左二線和左三線，Tesla兩邊車門打開，至少有兩人下車。
「車cam」主目擊車禍後連驚叫了幾聲：「嗚嗚.⋯⋯My God！」然後繼續在車內爆粗狂鬧Tesla司機：「贛XX呀，條友真係，X佢老母，嚇X死，痴X線，嘩，差啲我個人都冇X埋。」
當片主緩緩駛經涉事Tesla旁時，更高聲大罵：「High X大咗呀？痴X線！」
據了解，的士司機一度無法打開車門，其他駕駛人士見狀代為報警。警方接報到場，證實的士司機並無受傷，而Tesla司機酒測逾70微克，涉嫌酒後駕駛被捕，他報稱受傷，由救護車送往律敦治醫院接受治理。
咁撞法都唔頸痛