佢本身唔廢,廢嘅上季唔會二十廿一係英超入到10球,但唔否認佢而家真係好撚廢
我覺得好多人都唔理解,信心可以影響一個人幾多,可能睇得多Yamal, Doue, 覺得廿歲未夠就已經要dominant performance, 一扭幾破密集射掛網,穩定輸出
講真諗吓自己廿頭啱啱畢業嗰時係個點嘅on9仔
佢宜家個困境係suppose上升期,但冇個有經驗嘅人傍住指導佢,就已經喺全世界第二受歡迎嘅球會擔大旗,一犯錯就千夫所指,又背負住梅狗帶俾佢嘅身價。正常咁後生有排表現唔好,一般都係畀佢坐喺後備冷靜下,觀察下,調整下狀態,但偏偏我哋就要佢打足場場正選,仲要短時間內換咗兩個領隊大幅度轉打法。
如果佢可以突破到宜家嘅slump, 咁佢有機會上一線,畢竟前鋒都唔少大器晚成嘅例子。但如果咁踢落去,睇怕都只會越踢越沉。一係就借佢出去,一係就下年有啲正常輪換,但我覺得都值得俾幾多季佢試試。始終佢都唔係嗰啲淨係掛住玩嘢嘅後生仔,睇得出有火。而家係睇佢練得出嚟先定係會畀現實打沉先
