「移咗英國之後，發現最難適應的，係爸爸媽媽的沉默。喺香港佢哋成日話：『返工啦，唔好嘥時間』。而家嚟到英國，明明有晒時間，但每日都喺屋企坐住望天花，連超市都唔敢一個人行。唔識英文、唔識搭巴士、睇唔明信件、唔敢睇醫生。」
「平時最精靈嗰個，變得細聲講嘢，唔敢麻煩人。你同佢講：『英國咁舒服呀，慢活生活呀！』，但佢喺心入面淨係問緊：『我喺度做咩？』移民，對後生仔係冒險，對老人家可能係告別熟悉的一切。佢哋冇朋友、冇社群、冇自信，甚至唔敢講出口自己其實好唔開心。」
有回應的網民看不過眼：「只看到不孝」、「叫佢哋返香港住」、「好心你哋帶佢哋返香港喇」、「對於移民嘅長者來說，真係好容易抑鬱」、「如果自願移還好，為咗後生而走，真係一世兒女債」。
@@@@@@@@@@
另一網民也發長文「講真心話」：「我和外子在英國謀生已55年， 退休已13年了， 仍然不喜歡英國生活，對老人家而言，強逼他們與子女們移民外國，簡直是虐侍，天天對着四面牆，無人聊天，無香港美食，無得與街坊老朋友行街飲茶等等等……」
「皆因言語不通，要在一大把年紀重頭開始再學新事物，是何等辛苦？ 我有實例在此，我的奶奶在45歲來英給大兒子照顧兒女，一直至1997年往生，期間，天天在家像坐牢一樣，除了偶然其他子女來探望，或哥哥間中帶她外出飲茶之外，從不自己出門半步！」
