SHF拉打超人戰隊特攝馬娘綜合POST1096 Hyper Clock Up

我舉個例子特攝嚟講
超人呢個ip就最多小朋友鍾意
我90後就梗係超人迪加嘅，00後都有人鍾意超人迪加
10後就係zero X同trigger啦
我特別抽trigger出嚟講 我對trigger嘅評價係爛到令人迷惑
咁又點
小朋友就係鍾意呀唔通你搵個10後去返去鍾意超人迪加同超人吉田咩

真骨唔係得上代細路大咗先會買，3x歲會買新作嘅真骨一係有愛到唔在乎個樣兒唔兒童化，一係買俾仔女。

覺得兒童化咪買到覺得唔兒童化嘅作品就停，無話一定逼自己儲晒成條product line。

唔好覺得啲大ip淨係圍住你轉, ip變咗樣就唔合你河車
佢地係圍住全世界人轉, 變樣係為咗合乎新一代嘅河車

用自己角度去理解依代細佬嘅諗法依件事就已經錯撚曬啦
成日講乜兒童化，究竟有無留意到拉打嘅目標客群係邊一班人
幾時先可以承認作品即使係兒童取向但只要故事寫得好成年觀眾都可以睇得開心依個事實？
係咪真、Amazons、Blacksun依三套專For成年人觀眾嘅作品人氣最高、銷量最好？
咪令自己變廢老啦

我同你諗法一樣。

舊平成我都仲認到係拉打，到新平成同令和真係一套套都笑大人個口。

Zero one 以為會中興拉打，點知之後又跌番落去細路向。

其實我意思唔係話宜家啲細路唔鍾意呢啲小童向拉打，而係最高消費力，貢獻最多銷量嘅就係小朋友大過左變到二十幾三十幾歲嘅時候，好似高達就係點解宜家Gundam Seed出電影啲玩具咁好買令Bandai舊年盈利多咁多，就係因為90後睇Seed大嘅會買，而且Bandai都係針對呢班大個左嘅細路出啲high end啲玩具，好似metal robot魂同Metal Build，呢2條line大部分同最好賣都係Seed嘅機，你唔會見水星魔女出MetalBuild㗎，宜家出啲老豆老母都唔會買咁貴嘅玩具俾細路玩，可能20年後就會出黎收割呢一代大個左有消費能力買嘅細路

對應返拉打就係真骨雕，我地90後大個左會買平成拉打嘅真骨雕因為宜家仲覺得好型，例如555一啲都唔小童向嗰樣，但宜家拉打啲造型咁小童向，可能今日嘅細路會好鍾意Gavv嘅，但20年之後Gavv出真骨，班細路已經係30歲大人，計埋通脹可能成千幾二千蚊一隻真骨雕，買隻嗰樣咁低B嘅玩具，買唔買得落手先？我意思係Bandai好短視為左討好細路，追宜家嘅盈利，放棄左20年後潛在嘅利益

Seed當年咪又係比睇開UC既老屎忽屌

或者我補充多個例子會易明啲，我係90後細個鍾意睇拉打，都鍾意睇天線得得B，宜家會買真骨雕嘅555，但如果Bandai宜家出一隻真骨雕天線得得B，標價800蚊，我唔會買囉

講得出gavv低B就已經證明你真係睇都冇睇過就走去踩

都係嗰句，唔好睇得自己咁重要，你用老屎忽眼光去睇當代事物本身就已經代表你係脫左節，跟唔上時代嘅人，你鍾意555只係你個時代嘅審美係咁樣，你試下叫而家D細路去睇龍騎、睇555、睇古迦，你估有幾多個睇到10集？老害會出現嘅根本原因就係唔肯去承認自己年代嘅野已經同時代脫節，所以先要靠踩一捧一證明自己鍾意嘅野係高級D，到底幾時先識得鍾意舊野之餘又學識欣賞新事物

30中gavv好好睇

你要搞清楚一樣嘢，Bandai每一年最賺錢頭一二位係光之美少女同拉打嘅DX玩具，清醒啲啦你以為出真骨Bandai揾好多？係嘅就唔會出咗10年舊平成都未出完啦。

睇嚟我係90後既異類
利申我係第一批90後

又咁講，未來嘅潮流冇人知嘅，當年龍騎555劍帝騎w邊套造型冇俾人屌上天，而家真骨都係秒缺，個樣唔太主流嘅chiikawa同labubu咪又係好多大人買，造型醜都叫做順應潮流

同埋一直出得型係會審美疲勞，所以bandai一直都不停摸索同創新，寧願整醜啲都要留低印象，好似而家仲係好多人接受唔到嘅fourze同ex-aid，暫時咪當住係trial&error嘅失敗品囉

我都覺得好好睇 不過我諗佢主要係講緊造型

英雄特攝片點同其他動畫作品

戰隊長年keep住兒童向，但係事隔多年一樣係覺得當年睇嘅拉打同戰隊都係好正
做得自己嘅英雄偶像，不論自己幾多歲都唔會有所改觀

條友同fb啲廢老一樣，每年出新拉打就話「black先係幪面超人」、「RX之後冇睇了」明明gavv設定上係最撚昭和嘅令和拉打

昭和撚通常係話新拉打色彩太鮮艷，畫面太光猛，無晒以前嗰種陰森嚴肅嘅感覺嗰類

但係依家呢個年代繼續玩嗰種風格真係work咩
尤其是好多人本身已經標籤咗特攝係小朋友先睇嘅野，如果搞到連小朋友都唔想睇嘅話咪仲大劑

咁的確造型上我自己都麻麻嘅，雖然因為故事同角色太正買晒三個拉打 不過呢啲各花入各眼

ZX:鮮艷得罪你咩

我係由昭和shf買到令和shf既90後

見到圖，好勁

我以前都買咗過百隻，不過愛同空間都唔夠，加上bandai成日斷line，出淨一部分 gavv算係破咗戒

習慣左斷line
已經睇化左，出就買
位都唔知點算但係

而家每個星期日戰隊同拉打都上twitter trends頭幾位你話work唔work

頂
你換年紀做70後，作品做V3
阿叔咪一樣睇唔起平成
不過咁我老豆都睇到電王打後先頂唔住
仲開明過你

米奇老鼠超合金機械人可以出
點解得得b真骨雕唔可以