南韓旅客攝錄「可愛的紅色的士」被警登記護照 表示毫不清楚今日為何敏感，但已決定離開銅鑼灣範圍

六四36｜南韓旅客攝錄「可愛的紅色的士」被警登記護照


今日（6月4日）是八九民運、六四事件 36 年，是香港第六個沒有了支聯會舉辦維園燭光集會的六四。過去悼六四的維園球場，連續第三年變成家鄉市集嘉年華。警方的劍齒虎裝甲車再次駛到銅鑼灣街頭、維園，軍裝警穿上戰術背衫高調巡邏。在獅子山，有警員紮營駐守。

下午一時，銅鑼灣下着毛毛細雨，維園內，最後一天的「第三屆家鄉市集嘉年華」人流冷清，銅鑼灣及天后兩邊入口安檢處皆未見人龍，工作人員一度多於輪候入場人士。

維園內外氣氛緊張、警員嚴密布防，數十警員分批巡邏，來回駐守嘉年華多個出入口，每見有持相機傳媒，便截停查問及登記記者證。有外媒記者表示，「由SOGO行過黎，都未行到天后入口，（警方）就查左我四次」，《集誌社》記者亦在 15 分鐘內，三次被不同巡邏警員查問身份。

南韓旅客攝錄「可愛的紅色的士」被警登記護照

警力主要集中在維園兩邊出入口，在告士打道旁，有兩戰術巴士及兩衝鋒車，停泊在天橋底。一名身穿深灰色 t-shirt 的男子在橋底架起腳架拍攝，隨即被警員查問、及登記護照。該名不願上鏡的男子，其後以翻譯軟件向記者透露，自己是來自南韓的旅客，在攝錄「可愛的紅色的士」。警員以「今日是敏感日子」為登記其證件。男子表示，自己毫不清楚今日為何敏感，但已決定離開銅鑼灣範圍。

都算係香港獨有旅遊體驗 有得搞

警員以「今日是敏感日子」為登記其證件。男子表示，自己毫不清楚今日為何敏感，但已決定離開銅鑼灣範圍。

無處不提醒

同佢講64咪好似光洲咁

佢咪明囉

年年都會，無處不64

咁樣同趕客有乜分別

G點日

又柒出國際，不如順便提下遊客，有邊幾日係敏感日子

我覺得係旅發局問題
要向旅客發出提醒
64銅鑼灣
69 612 618就金鐘
721就元朗

有咩咁敏感

當做外國特工打鑊

咁驚做乜唔宵禁

無處不旅遊，沉浸式體驗

無處不SS ？

算唔算趕客，或者精神分裂？（左手話吸客，右手即刻趕客）有冇正常人被SS完，購買意欲，完全冇被打擊？

由治及興

應該出返個安全警告，琴日係敏感日子，不宜香港出沒

我係外國人都驚啦，明明話個地方好安全好自由，但原來每年果一日都好敏感，仲要登記証件，咁我plan都會考慮一下嘛

每年果一日？無可能係一日囉

全身G點太多，敏感日子太多，忌諱太多。有啲似囡囡月事M到，計日子，唔可以著白色底底咁？

一定是外國間諜！