日本球員檀崎竜孔涉嫌於澳職造假被起訴

曾經入選過日本U18代表隊嘅中場球員檀崎竜孔，尋日同另一名西部聯隊友被澳洲警方起訴。當地傳媒指原因係呢名24歲球員，喺今年4月同5月4場澳職賽事，包括對墨爾本城嘅季後賽4強戰，觸犯10項比賽涉賭行為，主要係蓄意領紅黃牌，而呢類事件係同網上博彩公司有關。

檀崎竜孔出生於啱啱爆冷喺高中縣大賽出局嘅高校名門青森山田，在學期間為日本U18出戰過，畢業後加盟北海道札幌岡薩多，不過4年只得3次聯賽上陣機會，之後試過外借千葉市原同外流蘇超馬瑟韋爾，都係冇乜上陣機會。直到2021年外借去澳洲效力布里斯班獅吼，先搵到屬於自己嘅天地，所以當佢回流日本同去蘇超都失敗而回之後，就喺2023年再度返澳洲，轉投西部聯旗下成為核心主力，但今次事件恐怕對呢名年青人嘅球員生涯有相當大打擊。

根本乜都係徦

日本仔不嬲打假波 日職日乙搵食仲好

日假真係假到仆街 90幾分鐘龍門會派膠

澳狗都係搵外人祭旗