啟德過渡屋入住率低　住戶投訴管理混亂、停電頻生　「啟福居」歸咎一原因

一線搜查｜啟德過渡屋入住率低　住戶投訴管理混亂、停電頻生　「啟福居」歸咎一原因

為改善基層市民的居住環境，政府早前推出過渡性房屋計劃，旨在為劏房居民提供適切居所。然而，位於啟德的過渡性房屋項目「啟福居」自去年9月入伙以來，入住率僅達26.6%，遠低於其他同類項目。住戶更反映多項問題，包括蟲鼠滋擾、停電事故、管理混亂及承諾的設施未有兌現等。不過，「啟福居」的營運機構「齊惜福」回應《一線搜查》查詢時反駁指控，更聲稱「啟福居」入住率低是受到政府前後矛盾的政策所連累。


住戶投訴蟲鼠為患、停電頻生
除了環境衛生惡劣，與曱甴、老鼠做鄰居外，住戶L小姐表示，自入住「啟福居」以來，近三個月內已發生三次停電事故，特別在夏季用電高峰期，電壓不穩問題尤為明顯。「當你真係收管理費又好，但你嘅管理員呢？夜晚6、7點停電，完全黑晒，啲人打去管理處，佢哋話係呀而家停電呀，但冇嘢幫到我哋。有老人家跌親、有BB喺屋企，突然冇晒電。試過等幾個鐘先有電，其實你管理費係做咩？管理啲咩呢？」


住戶對管理處的服務亦多有不滿，認為管理不透明且效率低下。L小姐續指，每次有問題需要聯繫管理處，總是找不到負責人，「初頭打去管理處，佢哋話負責人唔係到，或者你等負責嚟到再打返俾你。咁就打去長沙灣辦公室，電話不停轉，不停將個波射嚟射去，我哋係完全唔知搵邊個。」

另一名領取綜援的單親媽媽亦表示，物業管理形同虛設，「燈係爛嘅、電掣位係鬆嘅，物業管理話人少，叫我體諒。我體諒咗三個月，最後自己搵師傅整，嗰度都一筆費用，我自己畀，我單親媽媽邊有咁多錢。


承諾設施未兌現　住戶失望：乜嘢都冇
住戶亦吐苦水，營運機構當日承諾的增值服務很多仍未兌現。L小姐：「佢本身應承咗我哋係有飯堂，仲有洗衣房、圖書館，仲有小朋友讀書學習室，但一樣我哋都冇使用過，因為佢冇啊，佢出唔到。最出面個便利店都係咩都冇，得啲雪櫃同貨架，到而家都未起好，我哋住咗差唔多一年，佢係乜嘢都冇。」有領取綜援的住戶質疑營運機構的誠信，「當初立法會（區議會）文件都有寫，而且你係非牟利團體。洗衣房、飯堂，全部都未整好，已經9個月，我哋租約一生一死，都過咗大半，你都冇守承諾！」

齊惜福回應：指控無理　入住率低歸咎政策
針對住戶的投訴，「齊惜福」早前發出澄清聲明，否認住戶指控，並指部分投訴「無理」。聲明稱，經鄰近租戶及保安員查證，懷疑有租戶故意放置蟑螂及昆蟲搗亂，受害租戶已於5月17日報警處理。對於管理費及差餉爭議，聲明強調所有住戶均在知情及自願的情況下簽署租約，條款已清楚列明。

對於為何向住戶徵收差餉，「齊惜福」回應《一線搜查》查詢時直言：「這個問題應該是向政府查詢，為什麼差餉物業估價署要向這些過渡性房屋徵收差餉呢？」對於入住率偏低的問題，機構同樣將責任歸於政府政策：「其實當政府公布簡約公屋的政策時，所有營運過渡性房屋的慈善機構，全部嘩然！紛紛向政府反映政策會令過渡性房屋入住率偏低。『啟福居』應該是這個前後矛盾政策的最大受害者，因為其他過渡性房屋都未必鄰近就有這麼大數量的簡約公屋同時提供供應。」

發言人又指，近日留意到「啟福居」的澄清聲明，指會要求機構就項目需要改善的地方盡快作出跟進，做好日常管理工作，並加強與住戶的溝通。而根據局方最近評估，「啟福居」的居住條件、環境及衛生情況均屬良好，會要求機構加強宣傳，並不時提供協助，以持續提高項目入住率。


https://www.i-cable.com/%E6%96%B0%E8%81%9E%E8%B3%87%E8%A8%8A/354722/%E4%B8%80%E7%B7%9A%E6%90%9C%E6%9F%A5-%E5%95%9F%E5%BE%B7%E9%81%8E%E6%B8%A1%E5%B1%8B%E5%85%A5%E4%BD%8F%E7%8E%87%E4%BD%8E-%E4%BD%8F%E6%88%B6%E6%8A%95%E8%A8%B4%E7%AE%A1%E7%90%86%E6%B7%B7?al_applink_data=%7B%22target_url%22%253A%22https%253A%5C%252F%5C%252Ftinyurl.com%5C%252Fnhfnfc3d%253Ffbclid%253DIwZXh0bgNhZW0CMTEAAR7_t2QEZRUVfKNpmJB5X-WDMKyQeeo4yHYCtun4fbpSnvX-7UP4YntwmBNwcQ_aem_WDImr4_dLRl4dMTuKPsYMA%22%252C%22extras%22%253A%7B%22fb_app_id%22%253A669816701725174%7D%252C%22referer_app_link%22%253A%7B%22url%22%253A%22fb%253A%5C%252F%5C%252F%5C%252F%253Fapp_id%253D669816701725174%22%252C%22app_name%22%253A%22Facebook%22%7D%7D


https://youtu.be/lrpWSNKlXDc?si=qvwh5xkfBAZa7qtK

拆左搵房協起居屋好過啦
咪撚益班19窮鬼

佢又冇講錯喎。 係政府on9搵晒佢哋啲社福機構落場搞project，轉個頭又為咗刷功績搞壇簡約公屋出嚟，打翻佢哋轉頭。 講真，你估佢哋好想湊班死窮L咩

「齊惜福」早前發出澄清聲明，否認住戶指控，並指部分投訴「無理」。聲明稱，經鄰近租戶及保安員查證，懷疑有租戶故意放置蟑螂及昆蟲搗亂，受害租戶已於5月17日報警處理。


窮人真係特別多白卡

唔講以為搬左去商務式住宅
保養維修清潔乜都包

咁唔滿意咪租番劏房囉

其實有咩問題公屋起咁好托咩

睇完hoy仲哀過劏房cls

搞劏房係一個商業項目，業主係有利可圖嘅，咁佢有理由提供一啲嘢去吸引你嚟租。

呢啲濕鳩社福project，憑咩要我搞好啲你最好咪撚嚟啊，到時政府問到就話我配合咗起咗㗎喇，佢哋唔嚟咋。

唔滿意就躝啦

隔離東華爆入住率

多快好省呀。無人住分唔到錢就鬧。cut人手。唔係社福機構？

收政府錢夠膽死標明22x呎住4個人

仲要7仔爛尾，屋企要用指定牌子家電

接受訪問嗰幾個全部拎綜援 又要呢樣設施又要嗰樣設施
就算真係冇呢啲設施 點都平過好過住劏房下嘛
幾個都咁大支野話有交管理費 想知佢地交咗幾錢咁巴閉

公屋起到咁，實唔會俾人濫用

有冇人覺得「啟福居」成個骨灰龕場名咁

公屋都係包架維修保養

班濕尻社福機構本來都係掠水多

齊惜福係邊個搞就知乜事

都唔知係咪政府幫佢交

果日睇一線 應該出面租好過佢地 得百幾尺
差唔多收緊4400+400好似
計埋差餉出面租好過 重要唔包電器

隔離設施好過哂佢有電器都都多價
擺明ngo自己計到盡 搞舊垃圾出黎呃funding

所以留港撚好撚慘
人地外國分開哂富人區中產區貧民區
香港專登撈埋一齊

所以根本公屋就係cls嘅

得啦得啦 對唔撚住
咁委屈咪還返個單位出黎囉

咁唔滿意搬返出去劏房囉
又唔會停電