又再翻睇無間道2, 有d野唔明

點解最後黃sir殺左倪永孝之後無拉埋韓琛？
韓琛個身份係做污點證人返香港指證倪永孝，即係帶罪之身啦
點解就咁放佢走？

呢個情節其實頗具爭議，亦引發咗唔少觀眾討論。韓琛雖然係黑幫人物，但喺《無間道》裡面，佢回港做污點證人，目標係指證倪永孝，等警方可以成功瓦解倪氏犯罪集團。呢個身份等同於美國司法制度裡嘅證人保護計劃，亦都意味住佢係以交易形式換取免罪，警方可能對佢過往罪行網開一面。

另一方面，韓琛對警方嚟講可能仍然有利用價值，佢掌握住大量黑幫內部消息，而倪永孝倒台之後，香港黑社會勢力分佈會有所變化，警方可能需要依靠佢提供更多情報。

不過，亦有觀眾認為呢個安排有啲違反現實邏輯，畢竟韓琛本身都犯下唔少罪行，佢最後可以逍遙法外，係電影劇情嘅一個灰色地帶。呢啲開放性安排都係《無間道》吸引嘅地方，畀觀眾自己去思考角色命運同埋法治底線。

韓琛七一後做咗委員，點會搞佢吖

港產片遇到你諗唔明既地方，通常真係bug嚟，唔洗諗咁遠，相信自己直覺

做戲係咁架啦
樣樣野有得解釋咩

幾個Tier2 大佬打完邊爐收左皮，Tier 1 孝哥又陷家產

咁153咪就自自然然坐大

黃Sir 以後針住佢一個就得， 153 會吸收/剷起其他Tier 3雜魚

你殺埋153, 咁Tier 3 新星就開放市場再混戰

到時戰線就好多條了

唔知點解近年好多人鍾意講故駁故
好聽既故仔都未必下下講得通，何況電影有好多限制，有時少少既bug當睇唔到，enjoy套戲好過

黃秋生教唆/串謀買兇殺人
有埋證據咪又係無事
仲要升埋職
成套無間道2目的就係不停幫第一集加bug

韓森繼續做大佬睇場 對黃蛇黎講易管過其他人
睇PTU都有講 廟街有自己有規矩 佢地要既係平衡

就係d人enjoy套戲
連咁細微既位都發現到
証明佢係一套好戲
如果係爛戲真係連討論空間都冇

韓森本身係怕俾倪家殺先唔返香港

唔係有通腳俾差佬捉住要走佬

佢只要隊個龍頭大佬先要俾差佬保護
可以唔係污點證人

好戲先唔會令你在意有冇bug位，成功既電影係要觀眾投入，除非你係用研究電影既角度去睇
要講bug既話，無一黃sir出事個到都幾夾硬：鬧市殺警，黃sir扮路人入lift，都係為咗推進去佢跌落的士個幕高潮而做，就係因為個幕高潮好睇，觀眾咪唔在意

咪講過佢地想推韓森做大佬因為易控制呀嗎，夾佢返香港做扯線公仔

跟返倪家律師既講法 污點證人就應該係既

同埋都講到老謀告唔入 但三合會龍頭打唔甩 即韓琛係為後面條罪作證 咁要指證佢係大佬除左自證係社團中人都應該冇其他辦法

真正bug位應該係陳永仁交咁多料出黎原來乜用都冇 最後都係要靠琛哥背刺先告得入

仲簡單啦

龍頭就話大罪

認係三合會會員好輕罪嚟

仲有153就係唔知有陳永仁啲料

以為佢啲料隊唔死SAM哥,先要擺個局等秋生直接開槍搞掂佢

劉健明入到警隊都明
陳永仁入到警隊再加入黑社會先真正唔明
佢係倪家後人唔會普通跟人
唔係要查家宅三代？

第一集單純講雙臥底
主要連埋無間呢個佛學concept
都可以
再托展個世界觀就會問合唔合理同 details

第一次睇基本上唔會發覺
有好多好戲都係睇多幾次d人至會去研究
等於鐵達尼號，d人都唔係一出戲院就屌點解唔比阿jack訓埋上去木板到，點解佢唔嘗試去搵第2板木板，多數人既感覺係好好睇仲回味緊
到第2第3次睇就會“鄧”佢死得唔抵，明明可以happy ending

好例子，所以叻既導演係你第一次睇個陣呃到你就夠
就算依家你都係諗Jack死得唔抵，而唔係笑鳩占士金馬倫on9夾硬整死佢搵戲做
所以點解要入戲院

第二集有講查到陳同倪家有關係所以要革佢職，跟住黃秋生叫佢做臥底就可以唔使炒

我覺得最大嘅bug係韓琛心狠手辣搵埋殺手去外國殺哂陳永仁全家，點可能之後會收陳永仁做靚

呢套野多bug到
差佬派件黑社會龍頭私生子去做臥底
韓琛殺左陳永仁全家又留佢係身邊

黃sir 因為佢係倪家私生子革走佢
又同時搵有黑社會背景嘅人做臥底
有啲為咗教父式 drama 設置而咁做
所以一直都投入唔到呢個邏輯

英雄本色 同理

當年個人腦補

姓倪既二公子都要跟我既靚(傻強）
其他倪家殘黨 你地最好生性唔好搞事