【重返意大利】
基艾沙考慮重返意甲發展。
「今個夏天要慎重考慮自己嘅前途,我及我嘅家人和經理人同利記保持良好嘅關係,眼前嘅目標係好好裝備自己迎接季前準備,共同尋找最理想嘅解決方案。」
「每一日我遵照利記安排嘅日程去提升狀態,希望以最好狀態回歸。」
「喺祖記尾聲時,我仲有積極操練,但始終缺乏實戰,令我初初去利記報到時,好似一切由零開始,阻礙咗我嘅發展。」
「希望下季對我係一個好嘅球季,我嘅夢想係參戰世界盃,我之前有份贏歐國盃,但世界盃係每個球員夢寐以求嘅舞台。」
「世事無絕對,我唔排除有一日會重返祖雲達斯,我仍然深愛呢間球會同埋球迷。」
「過去一季仍然係正面,雖然上陣時間好少,但勝利嘅滋味總係美妙,而且成為英超冠軍唔係經常會發生。」
「今季之前,我從未試過去外國生活,體驗過佛羅倫斯及都靈生活後,喺一個文化完全唔同嘅國家生活,令我成長好多。利迷嘅熱情及晏菲路球場獨一無二嘅氣氛都令我印象深刻。」
「沙拿係一個好出色嘅球員,絕對係金球獎級別嘅球星,我會擺佢喺我心目中最佳十一人陣中,佢可以一季入八十球。」
「艾歷利曾經有一季擺我踢正前鋒,史洛亦有試過咁做,假如佢兩個都咁樣嘗試,證明我可以勝任呢個位置。」
「史洛及艾歷利都對勝利有一份執著,但史洛有佢唔同嘅方法。好多人初初都估佢會遇到唔少挫折,但佢證明俾人睇自己係一個出色嘅教練,所以我地值得贏到英超冠軍。」
https://www.liverpoolecho.co.uk/sport/football/transfer-news/federico-chiesa-makes-liverpool-transfer-31776435
#LFC #YNWA #WeAreAnfields12th #A12HKMO #A12OLSC #A12LFC