衛蘭唔介意姊弟戀
“佢竟然講得出嚟
佢係so sweet嘅男仔
唔知佢接唔接受到年齡差距咁多”
明年香港開個唱
想邀姜、Jer做嘉賓
▶影片link放留言
昨晚(2日)在 #港台十大中文金曲頒獎禮 任表演嘉賓的 #衛蘭(#Janice)，談到早前與 #姜濤、#Jer(#柳應廷)在《Music Panda》合唱，其間Jer踢爆姜濤以往理想對象是衛蘭，姜濤即「阿尷」上身，但仍大膽一問︰「如果我早出世10年，有冇機會？」全場嘩聲四起。
以下對話講笑成份高，不用太認真！
衛蘭用得意形容姜濤，笑說︰「好高興喺節目認識到佢同Jer，希望可以keep住做朋友。其實之前見過，有傾偈。今次合作後都想邀請佢哋做我演唱會嘉賓。」
成為姜濤「理想對象」，還獲對方公開問有冇機會，衛蘭笑言︰「佢竟然講得出嚟！佢係咪好細？(眾人講笑︰同你差唔多啫！) 唔知佢接唔接受到年齡差距咁多！佢係very sweet、so sweet嘅男仔，好有親切感。」被問姜濤這類型男孩，啱唔啱佢杯茶，衛蘭笑言︰「我唔介意呀！」
常成為攻擊對象的姜濤，出道至今一直承受壓力，衛蘭直言有為他祈禱，姜亦感謝她的好意，衛蘭說︰「對我嚟講信仰幫到我，佢面對樂壇同呢個世界好多事情，都好想分享呢份愛同盼望。」
此外，衛蘭早前成為首位香港歌手，擔任 #MariahCarey 巡迴演唱會深圳站暖場嘉賓，衛蘭自感夢想成真。「佢係我好鍾意嘅女歌手，影響力對我好重要。終於見到真人好開心，可以拖佢手 攬住佢，佢好Nice㗎，仲同佢selfie。」
早前她在內地舉行巡唱，衛蘭希望尾站明年在香港舉行，紅館或啟德場地都冇所謂。至於好姊妹王君韾上月中誕女，她說翌日已到醫院探望，當抱着王君馨的可愛女兒，令衛蘭對生育問題有改觀，「我不嬲都冇諗過生，唔想生仔，但抱住佢個BB有唔同諗法，感覺唔介意生仔，但要搵咗男朋友先。佢成日話有好對象，會介紹畀我。」
電單車VS電單車
janice最顛峰係06年
應該要早20年先得
