轉文：宋本中(前稱：大王，巨根俊)數已走

幕後踢爆
《反黑2》宋本中有前科
停拍欠薪無賴行為
歷時兩年訴訟 劇組獲勝訴
“我哋係用專業推動行業進步嘅人
唔希望立心不良嘅人
利用行業破壞業界名聲”

宋本中日前求眾籌400萬「續命」短片突下架

由 #宋本中 執導的香港黑幫網絡劇集《#反黑2》，以 #陳小春、#張耀揚、#謝天華、#王合喜、#陳國坤 等主演，食住2016年首季《反黑》播出後的熱度，於2018年宣佈續集開拍。不過之後突然停拍，還拖欠一眾劇組人員薪金，宋本中更一度低調疑避債。

近日宋本中再度活躍，欲重啟《反黑2》拍攝。早前更在社交平台拍了一段為《反黑2》「拯救大行動」短片，片中他一臉愁容求眾籌，指當日拍攝遇到問題，包括被澳門Astro公司走數，又說：「此項目的辛酸不足為外人道，如不是到了走投無路的狀態，我亦不想走眾籌捐贈資助之路，可惜情況已經壞到了輪不到我選擇。」

【眾籌短片突下架】
眾籌目標為400萬，望填補資金短缺，項目得以繼續拍攝，還指已寫好《反黑3》劇本。但對拖欠劇組薪金一事，隻字不提。最後共有47位支持者，只籌得$32,281港元。不過轉過頭，他呼籲的短片在社交平台下架，而網站亦顯示「籌款已取消，發起人於 5月 29 2025 取消了此專案的籌款。」

【幕後千字文踢爆欠薪卑劣行為】
曾被宋本中拖糧的幕後人員，日前在網上專頁《港產片士多》申訴，以千字文聲討宋在欠薪官司中的無賴行為，該幕後指2020年初他執導電影突然停拍後，被欠薪的包括製片組，副導演組，美術組，服裝組，攝影組，燈工組，後期組共17人，被拖欠人工及部分同事工時嘅墊資，總數超過90萬。

幕後稱，當日宋本中欠薪理由，同樣是投資者反口無繼續畀錢，「本身大家都希望透過協商解決問題，可惜後來只可提出申斥。電影工作者總會協助下，向勞工處求助。去勞工處之前，我們仲有同宋本中講，無辦法之下，我哋會咁做。宋本中並無反對，仲話會同投資者講依家搞到上勞工處。」

【宋以命令態度 欲阻劇組申訴】
不過幕後指宋本中講一套，做又另一套，當一眾劇組去勞工處立案，及再到審裁處落口供，宋本中就開始玩嘢，「宋本中叫助手打俾我哋其中一位工作人員，要求我哋撤消申訴，問佢有咩方案？有咩計劃？無，你哋唔再搞落去，我哋先再傾。無方案！無計劃！用命令態度！咁和解？！無可能啦。」

【玩嘢招數】
該劇組由2020年3月展開長達兩年的訴訟，幕後指經歷了很多令他們大開眼界的事情，包括對方的無賴行為！「首先根據審裁處要穿俾宋本中掛號文件(包括個人合約，申訴文件等)，全部無人簽收，一一被打回頭。明明都係寄同一個公司地址，而且係審裁處認定公司注冊地址。我哋被打回頭法庭信佢有收。

「然後，佢要就我哋申訴提出回覆口供，收到後無人睇得明。第二次開庭，宋本中致電審裁處話covid自我隔離，派助手做代表人出庭。佢話我哋：1. 寄錯地址 / 2. 話我哋簽月薪同事係開拍先計時薪 / 3. 話我哋打電話阻攔投資人繼續投資。」

【連審裁官都黑面】
連審裁官都不斷質問宋本中，幕後續謂︰「審裁官問佢明明地址係登記地址，A單位，B單位邊個先係真，佢調轉咗答(事實兩個單位都係佢公司租)。再問你聽邊個申訴人同投資者講電話？佢當然講唔出。好記得嗰庭審裁官聽到黑都面埋。」

【無交保證金 藐視法紀】
最後審裁官罰宋本中一個月內交保證金(大約總欠薪額的一半)，及需重做回覆口供。若不繳交保證金，會判申訴的劇組勝訴。但宋本中選擇藐視法紀，幕後說︰「當然，一個月後，審裁處一毫子保證金都無收到。喺之後一次開庭，2022年4月。佢無出現，助手都無派。審裁處判我哋得值。」

【官司期間申清盤 犯法行為】
宋本中除沒繳交保證金，還在官司期間就公司申請清盤，幕後謂︰「呢個係犯法行為。另外勞工處有就住呢次事件向律政師提出要求檢控，可惜律政司喺無解釋之下不予起訴。我相信勞工歲相關部門同我哋一樣失望。」

【欠債兼繼續搞事】
幕後指他們判勝訴後，以為一心等候從破欠基金支付的部分欠薪，至少唔使得個桔，怎料無誠意承擔欠款的宋本中，還繼續出招玩嘢。「當我哋諗住終於解決，神奇嘅事情又發生。宋本中向審裁處上訴，話因為Covid無出庭乜乜乜，而法庭又俾佢，要安排再次上庭。延後嘅後果係，我哋喺破欠基金嘅申請會因此而暫停。

「因為宋本中公司係有限公司，喺有限公司報稱無資產嘅情況下，欠薪由破欠基金有限額地支付，當時最高額為$36,000(其實有一半同事被拖欠嘅人工同呢個數相距甚遠，不過件事行到呢度都只可以係咁)。所以，宋及佢公司係一毫子都唔使畀。」

幕後稱，宋本中這行為連破欠基金都睇唔過眼，「佢哋連支票都已準備好。破欠嗰邊提議我寫信俾審裁處，再一封俾審裁官，將前後發生嘅每一次庭上判斷再講一次。交信俾審裁官後唔夠半個月，我哋得到最終裁決，維持原判，亦都唔需要再出庭。終於，case closed。」

【幕後︰唔希望立心不良嘅人，利用行業破壞業界名聲】
從今次訴訟，幕後才得知，關於演藝圈欠薪，這種圈中毒瘤個案已久違出現。「勞工處職員收到申訴第一個反應係：『已經差唔多十幾年無收到你哋呢行有集體欠薪申訴。』

「無論電影電視行業興盛或者如今市道低迷，夢工場都承載住好多好多人嘅理想同用心。我哋係努力實踐理想嘅人，我哋係用專業推動行業進步嘅人。我哋唔希望立心不良嘅人，利用行業破壞業界名聲。無論做邊一個崗位，首先要做一個人。」

【網民︰呢壇眾籌擺明cap水】
網民從幕後踢爆宋本中欠薪的卑劣手法後，對於他早前還求眾籌讓《反黑2》重啟拍攝，紛紛留言指「呢壇眾籌擺明cap水，希望唔好再有人受害。」、「呢單野(經歷)可以拍戲」、「拖糧就唔好學人講感情啦」、「佢出嚟眾籌已經覺得雞棚味濃，但仍然仲會有人信，仲對佢呢套嘢會有期望」。

#娛壹

士多鋪個老細柒下柒下咁
爆左佢咪有錢囉

當自己大王

士多老細有兩億

這次大王大概不妙了~

大王轉行做偷呃拐騙

冇當你阿雞咁燒都執到啦，仲嘈？

俊？邊撚到俊呀？

無個係好人 成個班底

工作人員個個神仙B咁當佢波咁踢就有

這次大王大概 不妙了～～

打交就真係夠薑呀，但係撻嘢就err…