[交流] 大家通常點問請唔請人? 兼職可唔可以當暑期工做?

不如等小弟講下先 小弟都算勇敢
一日裏面冇八九間都起碼入左五六間問
通常都係去收銀處或者sales 主要搵姐姐(感覺上男人惡d)
問: 唔好意思 請問呢度請唔請兼職或暑期工？
大家認為咁樣有冇問題呢?
如果淨講兼職既話人地可能會俾表我填
但我唔想呃人話我長做 始終良心過意唔去

之前向uniqlo度問 佢話請兼職
我就有另一個問題想問喇...
竟究兼職人地預唔預你長做呢?
如果人地唔預你長做既話 咁樣其實我咁樣問都冇問題:
唔好意思 請問呢度請唔請兼職？
但我又唔想誤導人
希望各位幫幫小弟 QAQ

另外仲有少少問題...
cv果方面...小弟中五畢業 根本冇工作經驗
只係填得 1.個人資料 2.讀過咩中學 同埋話3.冇工作經驗
計埋半頁紙左右...
竟究cv可以填乜野?
寫向學校得過咩獎做過咩職位好似又唔關事
感覺上人地唔會因為你做過prefect班長而請你
而且根本上小弟就冇乜呢d成就
另外小弟搵唔返成績表出黎 用准考證/考試核對資料證黎證明學歷得唔得?
人地會唔會睇你成績表考得好唔好?

好多謝各位抽時睇小弟咁長既post...
小弟既回覆同post一向都冇乜人理
希望大家睇到幫手回回 thx

試下去教會問請唔請人

垃圾username 已block

2025仲中五畢業
重作啦