長期持有指數/全市場ETF討論區（3.1）

應該係無特定日子，係啲錢無派到你手，ETF 會攞去買埋股票。
長遠股價會升得高過派息既ETF
就咁用google，VWRA(Acc) VS VWRD(Dis)

請問買直接買美債係咪好過vgit 依類美債ETF?
美債ETF又要收30%股息稅，個價仲有機會跌

相反 買美債 到期收回全部+息

認真答你，比你每個月儲2萬買股都無可能5年內達到你既目標，除非你咁好運撞正5年牛市 ，要達到你既目標一係每月儲4-5萬落去100％買股票，一係拉長個投資年期最少10年

收稅個到可以用英股版避免
直債都會跌價的 特別係長債 只係你選擇死揸到到期
不過以小弟見解 買ETF係因為門檻低 同埋方便rebalance
如果用黎做資產配置 直債同ETF 唔會有好大分別
除非你臨近退休 開始追求更穩定既被動收入 咁應該係買直債先

明白 唔該曬

買樓都係投資既一部分
因為嗰度都用左槓桿
同埋要預埋買樓後既淨值佔你總資產幾多%
股:債:樓既比例先係你要考慮既比例
建議再保守啲

退休都要keep 部分債ETF
每年年頭賣出資產 同時做埋rebalance
確保股債比例維持原有設定比例

追上一個post
我有建議咩年紀買乜

係喎 當供緊樓應該要點assess 自己資產配置？
係咪應該take少啲風險（given港樓都有返咁上下風險）
同埋6個月應急係咪要包埋樓按供款（雖然呢個問題應該係睇留幾多自己先安心？）

資產分配：市值 vs. 淨值
簡介
資產分配（Asset Allocation）係投資策略嘅核心，決定你嘅資金點樣分佈喺唔同類型嘅資產，例如股票、債券、房地產等。佢唔單止影響你嘅回報，仲會影響你承擔嘅風險。特別係當你有房地產同按揭時，點樣計入房地產嘅價值，會直接改變你嘅資產分配比例同整體財務圖景。
喺呢篇文章，我哋會探討兩種主要嘅資產分配方法：
1. 用市值（Market Value）計
2. 用淨值（Equity Value）計
我哋會用一個例子詳細解釋呢兩種方法，並分析佢哋嘅優點同缺點，幫你理解點樣揀啱方法。
________________________________________
方法一：用市值計資產分配
市值係咩？
市值（Market Value）係資產喺市場上嘅當前價值。對於股票同債券，市值就係佢哋嘅市場價格；對於房地產，市值就係物業嘅估價。
點樣計？
用市值計時，房地產嘅全個市值會計入資產分配，而按揭負債唔會直接影響呢啲比例。例如，假設你有股票、債券同房地產，總資產就係佢哋市值嘅總和。
優點
• 反映市場曝險：呢個方法顯示你喺唔同資產市場嘅曝光程度，幫你了解市場波動對財富嘅影響。
• 簡單直接：只係睇資產嘅市場價值，唔使考慮負債，容易計算同理解。
缺點
• 忽略槓桿風險：如果有按揭，槓桿會放大回報同風險，但呢個方法睇唔出呢啲影響。
________________________________________
方法二：用淨值計資產分配
淨值係咩？
淨值（Equity Value）係資產市值減去相關負債。喺房地產入面，就係物業市值減去按揭貸款。
點樣計？
用淨值計時，房地產只計你實際擁有嘅部分（即市值減去按揭）。股票同債券冇負債，所以淨值同市值一樣。總淨資產就係所有資產嘅淨值總和。
優點
• 反映實際擁有嘅資產：呢個方法更貼近你真實嘅投資額，特別係有按揭時。
• 清楚負債影響：考慮咗按揭負債，可以更準確反映你嘅財務狀況。
缺點
• 低估市場曝險：淨值可能低估咗市場波動對整體資產嘅影響，特別係有槓桿時。
________________________________________
例子：阿明嘅資產組合
假設阿明有以下資產同負債：
• 股票：市值 80 萬
• 債券：市值 20 萬
• 房地產：市值 300 萬，但有 210 萬嘅按揭（即首期 90 萬）
用市值計
• 股票：80 萬
• 債券：20 萬
• 房地產：300 萬
• 總資產：80 萬 + 20 萬 + 300 萬 = 400 萬
比例： - 股票：80 萬 ÷ 400 萬 = 20% - 債券：20 萬 ÷ 400 萬 = 5% - 房地產：300 萬 ÷ 400 萬 = 75%
用淨值計
• 股票：80 萬
• 債券：20 萬
• 房地產淨值：300 萬 - 210 萬 = 90 萬
• 總淨資產：80 萬 + 20 萬 + 90 萬 = 190 萬
比例： - 股票：80 萬 ÷ 190 萬 ≈ 42.1% - 債券：20 萬 ÷ 190 萬 ≈ 10.5% - 房地產淨值：90 萬 ÷ 190 萬 ≈ 47.4%
________________________________________
比較
方法 資產分配比例 反映嘅係 唔反映嘅係
用市值 股票 20%、債券 5%、房地產 75% 市場曝險 槓桿風險
用淨值 股票 42.1%、債券 10.5%、房地產 47.4% 實際投資額 市場曝險嘅真實影響
________________________________________
點揀適合嘅方法？
• 想管理市場曝險：用市值計，幫你睇到市場波動對整體財富嘅影響。
• 想睇實際投資額：用淨值計，清楚你實際擁有嘅資產比例。
有啲人會兩者兼用：用市值計曝險，用淨值計淨資產，咁樣可以更全面了解自己嘅情況。
________________________________________
結論
用市值同淨值計資產分配各有優點同局限性。用市值計可以幫你掌握市場曝險，但唔夠清楚槓桿嘅影響；用淨值計可以反映實際擁有嘅資產，但可能低估市場波動嘅衝擊。明白呢兩種方法嘅分別，能夠幫你更清晰咁管理自己嘅投資組合，做出更明智嘅決定。
________________________________________


同埋6個月應急係咪要包埋樓按供款? 包

買covered call etf算唔算保守同激進之間嘅中庸之道賺勁多息但股價會蝕nav exposure

癲佬市會唔會倒蝕

想請教如果淨係月供5000 ETF嘅話ib係咪要每個月俾10usd嘅維護費

卷商既問題可以直問卷商

如果年紀比較尷尬係28先開始
照供voo 2年再轉vt會好啲
定直接vt？

揀VT或者VOO唔關你嘅年齡事吧
同埋你只係28歲你重有大把時間投資
你睇埋樓主嘅資訊大概get到
VT係用嚟盡可能分散風險喺唔同國家中大型股
VOO係你睇好美帝長遠繼續稱霸
學理上嚟講，可以分散嘅風險就盡量分散
實際上如果好似你咁講，買兩年VOO之後轉VT，你嘅目的係美帝喺兩年後衰落，定係你覺得兩年後你先需要做全球分散
如果你對美國信念係非常強大嘅，反而應該VOO為主?
反而覺得你應該揀一套可以持續到嘅策略，而唔係擇時兩年後咁短嘅時間轉倉，呢度係講緊10年 20年做一個單位
如果真係覺得美國繼續強勢，又想自己做下操作，咪可能50:50 VOO VT咁囉

我推薦既年紀係起盧埋人工隨時間增加
一般做左五年或十年野既人 好大機會比初出茅廬多
所以點解咁樣推䔍
VOO 有個好明顯既十年河東 十年河西格局
時間夠長廿年甚至三十年先至有10%

遲進場又中等收入
一般推薦VT
退休前幾年慢慢加入中期債

Sp500 啲公司雖然係美國上巿
但大部分其實都係環球股票黎
類似誠哥間公司咁
咁算唔算diversified?

樓主眼中的中等收入是多少？你的投資計劃年期有多長？

冇錯嘅，全球化的確係事實，喺美國做到本地分散其實已經某程度嘅全球分散
但你要睇返歷史，S&P500喺2000年開頭都係經歷十年以上嘅橫盤
而咁啱同期新興巿場係跑贏美國巿場嘅
即係話如果你喺S&P500嚟緊係絕對係可能買10年嘅仍然係蝕錢嘅，話就話我地係睇20 30年，但嗰十年你頂唔頂得住先
而呢一種風險可以透過VTI/VOO+VXUS或者直接買VT/VWRA一網打盡
我再離譜啲咁講，你會唔會因為買盈富基金就覺得夠分散，入面都有好多環球股票
樓主所講緊嘅係，美國係近年高估值，係好有機會所謂嘅均值回歸，簡單啲嚟講會相對冇咁強勢

btw 樓上背咗錯書，VT係全球股巿，VWRA先係中大型股sorry

仲未計N年賣出個下交重稅

5. 美國公司是否等於全球投資？
雖然許多美國公司是跨國企業，但投資美國公司並不等於全球投資。全球指數ETF可以更全面地覆蓋不同國家的市場和產業，增加多元化，降低美國市場獨有的風險。
from google doc

主要睇儲蓄率
可能初初出黎做野0-5%
步入中年可能去到30%以上

我既計劃十五至二十年退休
如果轉去低消費國家可以十年後退
十年後再決定