「不知道那次是最後一次再見」 無聲無息消失既 友情/感情

見到樓下小朋友玩 爆旋陀螺
突然醒起小學時期一個朋友
以前住同一區 細個放學成日一齊玩
一玩就係成個小學生涯
爆旋陀螺 暴龍機 抽yes卡 gameboy
日日都一齊玩 以為會一世都係咁

當然人大左 自然都明人生就好似搭地鐵 有人會中途落車

但我突然醒起佢 想諗下我地最後一次見係幾時
原來係小學畢業禮個一日
好平常既一日 個日重想快快趣完 放假去玩
個日一放學 就同父母急急腳走左 去其他地方行街
最後既再見 就係一個好平凡既回頭揮手再見👋

原來個一刻 我同時同左一半既小學同學 講最後一次再見
有一半既小學同學 二十幾年都撞唔返


ps 佢中學去左加拿大 所以就冇再見過 當年都冇咩 fb ig 小學雞未有電話既年代

成個人生都係咁
除非係望住個位親友離世
所有人都係唔知幾時係最後一次再見

大左都明 都覺得好正常

只係回想 同各人最後一次講再見 係咩情景

畢業禮特別多

我有一個有初中開始好fd 既中同，同班同埋係一齊踢波，可能係一星期會真係6 日或者7 日，直到yr1 / yr2 左右
yr 2有一排佢有開始有情緒病，就完全唔見人，唔肯覆任何人，細個咪覺得佢唔覆咪遲啲搵番佢，遲下遲下而家都十年無聯絡，最近搵佢都係唔覆。
我地最後一次見個時係踢完波，就咁講左句，
有車，拜拜
就咁既道別就十年了，我都唔覺得自己會再見番佢

會唔會死左？

樓主同個FD 咁FD唔知佢住邊?

上左中學就完全冇搵過佢?

個時識佢哥，最近搵到佢阿哥問
佢係唔想見人，無死到

冇上過佢屋企 唔知邊個單位 但知住邊座大廈
同埋個陣未有fb ig 同手機 搵唔到佢

情緒問題

屋企電話都冇?

佢出左國讀書 就冇再打過 冇keep啦

小學好難keep
幾fd都好 升中派唔到同一間已經唔洗講野
中學好d 因為好多人既真正讀書時光結束左 工作會轉又唔會做朋友

好多道別嘅一刻，都唔會估到原來係人生最後一次見面

中學有啲fd一直keep到上大學，即使出嚟做嘢後少見咗，但間中都有聯絡甚至聚會

但始終到咗某一日，喺某個地方，某一次見完之後（當然唔係不歡而散），然後就沒有然後...








好懷念大學一齊夾band嘅日子, those glory days

其他人都冇見過佢？

另一單 細個有個親戚落來香港旅遊
又買玩具 又帶我去玩 （大約我7/8歲個陣）
走個時 重叫有時間返鄉下再帶我去玩

十幾年之後 真係要鄉下
醒起依個親戚
同老豆老母講返
佢話個親戚返左上去冇幾耐就走左
落來香港其中一環係睇一睇香港醫生
只係我個陣細個 冇人講我知….

佢？邊個佢？

其實朋友，大部分都會唔覺唔覺咁喺人生軌跡裡面消失







定係你覆錯post？

消失個位
其他共同朋友有冇見到佢？

嚴格嚟講，可能係我消失多啲
（但其實我又唔係專登消失）

總之日子過得咁上下，朋友之間嘅聯絡就會無聲無息中斷

人來人往，就係咁

icq msn都冇咩

完全明你，果個年代， 一畢業即失聯，回望過去，真係好唏噓，果時既友誼好純真無雜質。

會有遺憾既 不過無後悔
曾經有幾個以為會一世既兄弟 不過最後都慢慢無聯絡
始終人大個咗 價值觀會唔同 每個人底線都唔同

記得有套戲講個男主角見到每個人頭頂有個數字 就係淨低返可以見ge次數 每見一次就會減一次 最後保留住最後一次見女主角ge機會 好sad
人生係咁 有一個好想好想見到ge人 但因為某d原因可能1年-2年先約到一次食飯 無辦法 天意弄人 我相信好多人都有類似經歷 好多人生命題

小學就算鳩數啦

中學 大學 畢業第一份工 識既人重要d？