前TVB長腿女神曾淑雅Jumbo臨盆在即 沙灘孕照曬巨肚曝媽媽苦況：恥骨好痛

曾主持TVB節目《3日2夜》，有「長腿女神」之稱、的曾淑雅（Jumbo），2023年無預警雙喜臨門成為人妻，舉行婚禮時已懷孕5個月同年11月誕下囝囝Kobe。今年元旦再報喜宣布懷上第二胎。轉眼到孕後期，一家三口到沙灘拍下孕照記錄巨肚時刻。

JUMBO懷孕以來一直保持運動，未見發福肥胎唔肥人，手腳依舊相當纖幼。早前到影樓拍攝孕照，黑色貼身露肩裙令孕肚線條盡現。一家三口又齊齊去到沙灘，海風吹起高釵長裙，短身小背心露出臨盆在即的巨型孕肚：「靜靜地進入第8個月❤️作為第2胎。身體狀態暫時都有比上一胎好，囡囡亦好活潑🥰胎動多到無時停。不過踏入左孕晚期，有好多既不適都係會出現，對我最頭痛莫過於係恥骨痛問題，而家捧住肚肚行路都慢幾拍。有好多好多既身體變化，都會隨住肚𥚃BB長大繼續出現。不過只要BB健康成長，呢個過程媽媽都會一一撐過。❤️be strong mum💪🏻」