UNY旗下超市「谷辰」5.31結業　全店八折優惠清貨　九成貨架清空

UNY生活創庫旗下位於尖沙咀的「谷辰」超市，據了解本周六（31日）結業。超市今（29日）仍有營業，全店正進行八折優惠，絕大部份貨架已經清空；部份貨品已被包起，準備運到其他同集團的超市。

有超市職員表示不清楚是否結業，惟舖位內的一家輕食咖啡店店員則確認超市即將結業，但該輕食店與超市無關，會繼續營業。

店內九成貨架已清空　僅剩少量新鮮食材、雪糕等

下午近6時，位於尖沙咀中間道H Zentre的「谷辰」超市仍繼續營業，正進行僅該分店限定的「Off Shop-Wide」八折優惠至本周六（31日）。店內有零星顧客，惟大部份都未有購物。

記者目測店內九成貨架已清空，部份貨架被搬離原本位置。店內現時僅剩少量新鮮食材、雪糕、凍肉、酒類、飲品及個人護理產品正在出售，其中酒類、凍櫃內的產品有額外優惠。

部份物品或貨物轉移至同集團太古城中心APITA超市

店內一個角落則被圍起，放有多個發泡膠箱及已裝滿的黑色膠袋，部份貼有寫著「To: TKS Apita」的A4紙，相信內為店內物品或貨物，並將運往同集團位於太古城中心的APITA超市。

店內日式飯團店「米角」貨架亦已清空

店內相信屬同一集團的日式飯團店「米角」亦未有營業，貨架亦已清空，亦無店員在場。

記者以顧客身份向超市店員查詢超市是否即將結業，惟店員僅表示不清楚。至於店內的另一間輕食及咖啡店則繼續營業。該店店員被記者問到咖啡店是否即將結業時，回應指「係超市嗰邊，我哋呢邊仲有開（營業）」，不過無回應指超市何時結業。

https://www.hk01.com/article/60243044?utm_source=01articlecopy&utm_medium=referral

完全唔知有間咁嘅超市
呢度有冇人去過？

幾年前路過入咗去行

都幾好睇嘅

mark up到咁高 好難幫襯喎

貴到癲，汁都好正常

有日行過睇下，50蚊一條蘿蔔

d貨又貴又普通，今時今日係香港玩日本超市，除左鬥平，已經無出路。

五毛多到
日本野執笠係因為由治及興

以為一早執左，原來未執

行返上幾條街The One，有AEON超市
隔離美麗華就有Donki。
呢間貴價超市唔執先出奇啦
記得上年行經過入去睇，啲嘢真係好貴

呢間嘢聖誕禮盒嗰啲唔錯 年年聖誕禮物都係呢度買

呢間野夜晚8點就收鋪
都估到佢生意差
恒基收番間鋪租比其實鋪頭好過

班有錢客走晒

呢間野岩岩開時搵左勁多kol 拍片賣廣告
嗰時岩岩疫情去唔到日本，日本貨貴都有人買，而家去到日本就收哂皮

Aeon 食曬呢水市場

......去過一次炸

當年 covid 開張排哂隊...
嗰陣咁難得先飛到日本梗係有得做啦！
而家有 d 錢嘅都一年飛幾轉日本做閪咩？

以為uny 全線結業

八折就清到貨
証明購買力還在，需求還在，只係訂價及舖租問題