見過最癲既慳錢行為係咩

係我7歲果年買左一枝雪條，從此改變我既一生
當我奶到最後一啖好失落時，
枝棍竟然仲多兩條，唔洗講即刻去換黎食


我食完第二枝，吊，又中兩條；
而第三枝，又仲兩條！結果我再去換四條番黎
當我食完第五枝後，唔洗講，又中兩條，
但我已食唔落了，果次係我人生第一次食唔落雪條


我拎番第6~8枝番去比屋企人食，果然每枝再分別各中兩條
如是者我已經可以再換16條番黎，人生果然充滿希望
但當我拎番去比屋企人食完後，呢16枝又再各中兩枝，
我手上渣住16條可兌換32枝既雪條棍，我開始感到到d驚


今次我換完拎番去比同學食，中伏！！
每枝又獎多兩枝，即係64枝，
點算？我已幾乎請過晒我識既人食雪條了！
於是我請埋隔黎班食，但冇喇冇喇，再獎128枝，
7歲既我，要一次過拎128枝雪條係何其吃力


就咁樣捱左半年，
我手上仲有20736枝可換41472枝雪條既雪條棍，
我快要崩潰了！
難道我餘下既半生都只能活係雪條中嗎！？


轉眼到我24歲果年，
我已類積左3487459498594498枝一兌二既雪條棍，
為左搵地方擺雪條，
我將同女友同居新買既家私全部當晒，
再用錢去買雪櫃黎裝，
然後每個月女友一出糧就叫佢比晒錢我買雪櫃去裝，
但真係冇辦法!!
我搵錢買雪櫃既速度遠遠追唔上食雪條中雪條既速度!!!!


終於，係我26歲生日果日，女友離我而去，
佢一句話都冇同我講，
因為佢個咀已食雪條食到硬化唔講得野。
我好對佢唔住，
但人生...我又可以點？


呢年我全個家族因為不停買雪櫃而破產，
我家族本來係中古時期既貴族後裔，
d錢洗十世都用唔晒，但竟然落得如廝田地，
而且我仲有8千幾兆既雪條未換。
部分擺唔入雪櫃既雪條開始溶化，
d雪水浸到上我心口，
我好凍，凍到失去知覺...
就咁樣一訓，唔知訓左幾多年。


我醒番時掰大眼見到個呀伯，佢話有辦法幫我，
我問點樣，佢就話只要將我手上既雪條棍賣晒比佢，
佢就會開一間雪條公司賣雪條，
等人買左後再拎雪條棍黎換，


比如10個人買左10條，
走番黎獎20條，佢就前後清左30條；
果廿條再獎四十條，佢再比，又清多八十條...
如是者向全世界輻射出去，最終就會解脫到


我恍然大悟，一路多謝佢一路→即走，
走左成百米遠後我回頭問佢係咩人，
佢答我係瑞士人，叫亨利內斯特萊。


雀巢公司，就係佢成立。

企廣拍卡只能九龍灣進出先有得減
唔洗fc都知假

我而家返新工
個62歲同58阿姐
好行得 日日行上山落山
有車都唔坐

當做尖

荃灣西行去錦上路

沖廁要錢？住村屋用淡水？

有個fd 之前喺觀塘返工，每日放飯為咗買呢個$19既飯盒來回行半個鐘，而家換咗地方返工仲癲，話冇平價飯所以直程唔食午餐，就快瘦過非洲兒童。

唔係㗎，一包可以食兩個禮拜，咁計返就平

買完樓 隨時去送幾單外賣就夠未來幾日食飯算啦
咁就又一日hea 一日做一兩粒鐘舒舒服服算啦
好過日日朝九晚六返四十五年

十蚊連麵包都買唔到呀

神經病
其實你一個月洗三千真係唔多
食野都相對高質唔少

佢仲買過呢個$10叉燒飯

叫條友到埗去 Poundland 買紙杯然後去某個鎮嘅 High Street 度乞錢
一嘢解決晒食住行難題, 高性價比之選

有陣窮撚酸臭

［真人真事］保鮮紙用完洗乾淨，掛起晾乾，再用過

但係又聽過, 商家對個樽既設計, 係令到好多用家 用多左好多, 正常好少沖涼液已經足夠

如果近九龍灣工廠區 / megabox, 可能行路同搭車, 唔差得遠
放工時間, 九龍灣交通都幾地獄

咁我計過的食物夠營養咪ok
不過而家都無再咁食了

見過日日喺office煮公仔麵 食麵包算貴喇

小學Lunch每人每日都有生果食
好似有蘋果香蕉個類
之後我個故仔都係同你類似
都係個個比晒我，然後Lunch之後就睇收集左幾多生果
放學我又係成袋拎晒返屋企，屋企人又讚我叻仔。
不過可能我屋邨窮撚學校，好似冇咩人笑我。



或者其實笑左我都唔知

欣賞你諗嘢咁正面
講得冇錯 行路多係健康

咁你直頭唔好用啦 用咗同冇用都冇撚分別啦

簡單講姐係你full pay咗間居屋之後就係等死

用回收糉葉好過要上山摘