估唔到身邊居然有朋友係傳銷狗

小弟今年year1，最近sem break就有個都識左一段時間嘅大學同學，佢就搵我話想唔想一齊搵錢之類。咁我又冇野做咪跟咗佢出去佢間「公司」睇下。咁初頭都以為大家讀同一科，都係想一齊變好嘅好同學，點知原來係想呃我。

咁晏晝三點佢就帶咗我去一間九龍灣嘅Clubhouse，就帶我參觀嗰度有gym Room有紅酒有香水，跟住仲帶咗個人出嚟話係佢團隊嘅阿頭，跟住佢個阿頭就喺度話咩有冇諗過可以一個月賺五萬幾蚊，又話咩自己揸波子。我初頭心諗都幾正呀，以前中學朋友有好工都會益我。直到佢個阿頭話要俾$5000同佢合作定學嘢之後我先覺得唔對路，冇理由我返工賺錢要俾錢㗎。之後聽完佢講咗一大點點賺錢點點識人之後就去咗個何文田嘅Office。

個Office就叫Bastion （大家見到呢個名都知道係亮碧思騙局），咁嗰陣就跟住個friend落咗去地下地庫，跟住又好多人圍埋一齊傾偈，跟住我就坐低大概由四點幾開始，就有好多人同我分享佢哋以前一啲經歷，依家點樣搵到錢，仲係咁show佢哋啲支票。講完一大輪之後就開始講咩20 38 41 42咩咩分成傳銷，跟住叫我俾五千幾蚊留位買貨。跟住我又問我個friend喂呢間公司叫咩名，佢竟然答唔到我。佢轉個頭就走去問其他人，跟住其他人就過嚟同我講呢度點樣點樣賺錢合作，其實你係有得選擇，你唔通想成世打工？但係都係未答到我嘅問題，間公司叫咩名。

後尾就一路係咁洗我腦洗到成11點，佢仲係咁催我交$5000 「你依家手頭冇$5000咩？你可以PayMe我架」 咁我大學生唔係弱智㗎嘛，邊有可能我賺錢之前要俾錢㗎。我係咁問佢哋啲人公司到底係做乜嘢，我呢個位要學乜嘢？佢哋都俾唔到一個答案我。後尾我返屋企再search返佢個名就firm係呃人

咁相信大家都有睇過呢個騙局Francine 依家叫bastion，所以呢一篇野都係想同返大家講返唔好咁易相信其他人，即使幾熟都好，因為呢個世界總有人為左自己利益出賣朋友

my first post sorry for 1999

不嬲唔熟唔食

推

樓主咁樣打死一世工, 冇發達嘅一日
你唔為自己，都諗下屋企人啊

我地公司E個產品係獨家代理，全香港得我地有賣咋
ED黃金機會唔係隨時有
見你係我老友我先點條明路比你

好耐啦 亮碧C走狗
好撚多大專同埋中同都去左嗰度做

你咁勁, 銀行咁多錢, 銀行點解唔投資?

因為你叻d?

佢哋個大本營喺怡安閣
勁多短裙黑絲囡囡

因為呢個世界總有人為左自己利益出賣朋友
一定！
佢啲升lv制度 就係要你越拉越多
講真 你朋友個種人
唔肯腳踏實地搵錢
入左局好難救
遠離佢由佢單機算啦

啲女女慘 豬兜咁蠢
青春肉體浪費曬

仲有康寶萊

十幾年前有個朋友做傳銷，開頭都比佢搵到食升到級，仲好身光頸靚，後來好似因為搵唔到下線要保級定唔知點樣，就開始比人慫恿造假資料借錢，由銀行開始借，一直數冚數借到一、二線財仔，最後借埋扣底同電話數，結局就係跳埋樓

我都去過 問同你差唔多嘅問題
eg即係要做啲咩 點樣做先賺到
冇人答 淨係話嚟多幾次體驗下

最近都俾人呃左上去
叫house 44

總有一隻係左近

樓主讀本地野雞u定大專

依家你可以係呢度咁多人學到孝順 學到選擇 我同你講 你唔係淨係買呢度嘅產品 你係買緊呢度嘅人脈、資源

我有投資 咁我year one梗係想試多啲嘢啦 但係冇理由日日坐喺屋企乜都唔做淨係望住部手機 本身諗住跟朋友見新工

仲要個個KongU 海歸 你諗下點解佢要放棄個degree過嚟呢度做? 自己衡量下啦

而家搞到我都唔知點樣同其他friend講好 不過點都好 我會叫身邊嘅人睇清佢先

佢係答唔到你具體要「做」同「學」乜野 一見到難啲嘅問題就拋返個波比41 42

City

好彩冇比5000入局

會藉式騙局
unfriend and block

我都無
開頭就同你傾計套你料
睇你做邊行
之後就話介紹d 行家俾你識
就成日約你出黎話傾下
睇下有咩搞作
好啦上撚到去先知係老鼠會
我咪扮到好信佢地
睇下咩料當學下野
仲話唔信唔緊要上黎聽多幾日
到時你再決定俾唔俾會費

基本上人食人
你個fd 7頭皮俾人食完 唔想認錯認輸 繼續沉落去就無得救