開始懷疑人生係一場無限循環

人生，好可能係人死喺之後，返返去自己出世嗰一刻，所有記憶全部洗白，重新經歷。可能每一次輪迴嘅經歷都會有所唔同，但分別唔會太大

由小弟嘅經歷講起，小弟開始有記憶係3歲某一刻，嗰吓嘅感覺係突然醒咗，發現自己喺屋企入面，但對之前所發生嘅事又完全諗唔起，之後開始展開而家嘅人生。

喺我嘅成長過程入面間唔中會出現「既視感」，有時第一眼望到就覺得好熟，甚至係聽到句說話，都會覺得好似聽過咁，感覺係喺腦裏面已經有呢段記憶，但點諗極都諗唔起係咩記憶。因為當時覺得只係「嬰兒遺忘期」同「既視感」，所以冇太執着呢啲事。

直到近年，有日突然諗起呢啲事，開始覺得有冇可能係因為呢啲記憶係上一世嘅零碎記憶片段，但感覺冇可能係由其他人投胎到今世，因為有時既視感出現嘅地方，係我出世之後先有嘅地方，所以我認為，會唔會人生係循環，死後返去自己3歲嗰日。而因為前世死前嘅記憶被洗白，又冇經歷過嬰兒時期，所以冇之前嘅記憶。

唔知有冇巴絲有同樣嘅睇法？可能大家覺得所有嘢都係我無聊揾嘢諗，或者可能係我太掛住童年，但點都好，我覺得所有嘢合埋一齊可以解釋到好多一直以嚟解釋唔到嘅事。

人腦會不斷改寫記憶，而自己係唔會察覺到
「小弟開始有記憶係3歲某一刻，嗰吓嘅感覺係突然醒咗，發現自己喺屋企入面」可能根本就係假記憶

呢個好肯定係我真實經歷，因為個感覺好特別，到而家每次瞓醒唔理係自然醒定彈起咁醒都好都冇再試過有呢種感覺

大多數人都係只能記到果個歲數既記憶 最盡
其他都係你大個睇返張相人地話你聽砌返出黎

細個嗰陣有好多深刻嘅記憶而家都記憶猶新，但3歲前完全冇深刻記憶

hippocampus未發育

但都解釋唔到點解會有嗰吓突然醒咗

邊個話 投胎會依照時間規律？
唔畀投胎 返過去？

但冇可能會吻合到完全一模一樣，發生嘅事又同「記憶」入面一樣，投胎解釋唔到呢個現象，只有循環先解釋到