作為一個喺日本留學咗七年嘅前JR職員，唔明白點解香港人咁唔知足，對地鐵同巴士公司有彈冇讚

每次MTR壞車、巴士脫班，d人就係度鬧。講真，對比其地地方嘅公共運輸系統，香港其實已經係行內top level，做得已經好好

故障率嚟講，MTR係世界最低之一。一條線壞嘅頻率係平均幾個月甚至更耐一次，對比好似大家讚得最多嘅日本鉄道準時，人身事故、線路檢點、列車overrun、信號故障，繁忙線一個月點都係有四五次延誤幾十分鐘嘅情況出現，延誤幾個鐘或以下仲一般唔會安排咩接駁代行巴士，大家一齊係車係站到等車開。日本都搞成咁，更何況係台鐵同歐美地鐵呢d延誤被人鬧到口臭嘅系統

再講吓站內設施，重鐵線全幕/閘門呢樣單係日本已經做唔到。另外少人講嘅係日本一d就算係一日幾萬人用嘅住宅區大站都做唔到方便嘅無障礙化，扶手電梯普遍得上行，下行冇，電梯就一個停15卡車嘅站都係得一部，甚至可以係扶梯電梯都冇。露天站就一定冇冷氣暖氣，就算係有蓋或者地下站只係保障基本通風空氣流通，台灣捷運火車d地下站真係冷氣都唔開。呢樣唔同MTR站真係做到冬暖夏涼。另外商舖個方面MTR真係d基本衣食住行shops都有，JR係d住宅區站好多都係塞間細便利店就算

最後講吓最多人鬧嘅票價，用日本做對比，日本一個站150円係基本價，好多日本人單程屋企迫公司係過千円，佢哋一個月嘅車馬費係一個月六七萬，高嘅十萬都有，你要知日本人工仲要低過香港少少，佢哋捱呢d貴價車費都冇咩聲氣，仲識得體諒鐵路公司。其實香港嘅車費對比香港人工真係算低(尤其大陸台灣日本)，但就係香港鬧得最犀利

就係因為偶爾一年半載一次嘅故障、一蚊幾毫嘅加價就將地鐵同巴士公司鬧到一文不值，我覺得唔至於lol，又唔見d做得好嘅地方比人讚嘅。如果大家覺得樓豬講錯、發up瘋嘅話，歡迎下面比下意見

夏涼？
葵興葵芳笑而不語

日本人返工係會補貼車馬費...
真係日本留學7年?

大公司正兼職會
但係細公司、派遣工同學生基本唔會

咁呢兩個真係漏網之魚嚟嘅，其他露天站個大堂都算啱香港人個溫度要求嘅

認真答你
點解香港人要求咁高

因為香港成個交通系統
係建基於公共運輸為主
細分就係 鐵路>巴士>小巴
運輸署亦刻意不鼓勵基層用私家車
(E.g 首次登記稅+各種政策)

同時香港嘅人口密度極高+分布喺各市鎮
每日運輸乘客量破千萬
正正就係對整個交通系統有極高嘅要求
日本啲地鐵仲有時間分 特急/普行
香港同樣時間已經兩三分鐘一班
沙甸魚咁樣運人

等於港大醫科生
唔會走去話點解 會考/DSE
要咁高分 少一粒星都唔得

東鐵綫都未撚出聲啦
On9樓主其實有冇搭過每一個大站?
東鐵綫每日搵幾多人知唔撚知

你第一句已經答咗你啦

唔繼續鞭策住港鐵，個standard就會越降越低
香港一直係靠不斷評判先發展出而家嘅高質素基建，一路發現問題一路修正，要求高啲有咩問題？唔通好似馬生咁短椿都話ok就ok社會先進步咩？用啲差過自己嘅地方打飛機有咩謂？

你應該post上香討，連登有幾何會讚香港？

小結: 樓主做過JR一個職員
就班門弄斧
以為自己通曉成個交通系統

樓主你自己諗吓
如果一個港鐵車站助理
去2ch 鬧日本人做乜唔知足
有啲咩下場？

其實樓主你仲唔仲喺香港㗎？
而家港鐵行嗰啲環保政策
(美其名環保 實際就係慳冷氣錢)
全部大堂+月台+車廂熱到點 你知唔知？
真心你識條鐵咩

仲要講緊JR成個系統複雜過港鐵幾多

真心佢邏輯都基本上錯亂晒
而且對於香港實際嘅交通情況+體驗
亦都完全唔了解

去感受下london underground
就會識感謝黨鐵

日本人出名得個忍字
唔鬧JR又忍貴車費 咁係佢地on9

做電車痴漢易走d 定mtr跳閘易走d

班門弄斧
自吹自擂
認屎認屁

好簡單


只要影響到我就要屌佢老母

香港MTR營運路線總長係幾多？JR營運路線總長係幾多？

如果係東京/大阪呢類城市，JR冧咗，都仲有其他鐵路公司可以替代
去遠啲仲可能會有高速巴士

但香港呢？九城已經因為條鐵被迫減班，巴鐵是旦一個出事都影響極深遠

屌佢個個周末都停，仲要唔止一條線

樓主而家除咗死死氣負皮之外
乜都唔識回應

最後講吓最多人鬧嘅票價，用日本做對比，日本一個站150円係基本價，好多日本人單程屋企迫公司係過千円，佢哋一個月嘅車馬費係一個月六七萬，高嘅十萬都有，你要知日本人工仲要低過香港少少，佢哋捱呢d貴價車費都冇咩聲氣，仲識得體諒鐵路公司。其實香港嘅車費對比香港人工真係算低(尤其大陸台灣日本)，但就係香港鬧得最犀利

日本公司唔係包車既咩？

以前就有冷氣
依家又跑kpi又裝幾部風扇扮曬野
出去投資又蝕
啲樓又賣唔到好價
Cut曬啲維修保養
養埋班垃圾王親國戚同靚妹仔
遲早爆鋪勁