南丫海難｜時任驗船主任稱不認識「船總長一成」規例　家屬方質疑不符2013年證供

2012 年造成 39 人死亡的南丫海難，死因庭周一（26 日）展開第十五日研訊，傳召海事處時任驗船主任梁維學作供，他在 1996 年覆核由驗船督察審批的南丫四號穩性計算書。梁供稱檢查計算書時，處方沒要求翻看圖則、或重新計算數據，又指自己當年剛加入相關組別，不太熟悉工作要求，故不認識「船總長一成」規例（簡稱 0.1 規例），不知道計算抗沉數據時，南丫四號船尾的舵機房和油箱房，應視作一艙計算。

家屬一方指出，梁於 2013 年獨立調查委員會的證人供詞提到，他認識 0.1 規例，並詳細解釋計算方法，質疑他現時因發現自己疏忽故供出新版本。梁重申已不記得當年證供，否認在庭上說謊，「我冇講大話，我講返今日嘅嘢啫」。

梁又指「因為冇諗住仲有呢個庭，所以好多文件我都唔記得晒，或者銷毀晒」，指自己多年來沒翻閱 2013 年的證人供詞或其他資料，「因為都唔想再記得呢啲唔開心嘅嘢」。梁完成作供後，戴上黑色鴨舌帽及白色口罩，獲安排貼有遮光貼紙私家車接送離開法院。

確認覆核南丫四號穩性計算書
稱不認識 0.1規例

研訊主任傳召時任驗船主任梁維學作供，他確認在英國主修船舶機械工程，1989 年取得英國勞氏船級社（Lloyd’s Register）驗船員資格，1993 年加入海事處，入職時沒接受培訓，並確認在 1996 年曾覆核驗船督察何啟德審批的南丫四號穩性計算書。

庭上展示南丫四號於 1996 年 7 月 26 日的穩性計算書，將船尾的舵機房及油箱房當作兩個獨立船艙，計算一艙進水後船的穩性。研訊主任關注梁當時是否認識「船總長一成」（簡稱 0.1 規例，即船艙長度少於船總長一成，不能當作獨立船艙計算穩性）？梁供稱「唔認識」，工作上「未應用過」0.1 規例，亦「唔知道」在計算南丫四號的穩性時，應將舵機房和油箱房視作一艙計算。

梁：處方沒要求覆檢須翻圖則、重新計算
梁在提問下補充，他覆核的方式是檢查船破艙後會否浸過水線，符合指標才會批出穩性計算書。至於檢查時會否翻閱圖則及重新計算穩性數據，他稱「冇咁嘅要求」。

他又供稱，自己在南丫海難後，因工作需要才接觸及了解到 0.1 規例，指自己從前毋須自行計算穩性數據，加上他在 1996 年才加入本地船舶安全組，當時不太熟悉工作要求、流程，「有時同事時做咗嘅嘢，我唔會自己再重複再自己去做一次」。

研訊主任關注，若梁入職時有接受培訓，會否更能準確理解相關法規？梁同意審圖工作比較高階，有更專業的培訓會更全面，但「唔係淨係培訓，係（有）監督嘅」。研訊主任指出，梁覆核何啟德的穩性報告，亦算是監督的一種。梁不同意，指「我淨係做返我自己嘅嘢，佢交咗一份工作畀我……我自己判斷係，我睇睇呢樣嘢啱唔啱，我自己嘅認知囉」。

家屬方指與 2013 年供詞不符
梁否認說謊

對於梁指稱於 1996 年時不認識 0.1 規例，家屬代表大律師譚俊傑引述，梁於 2013 年獨立調查委員會的證人供詞提到，他認識此規例，並在證供中解釋計算方法，質疑梁是否不認識規例。梁重複指「唔記得」，又指「因為我冇諗住仲有呢個（死因）庭，所以好多文件我都唔記得晒，或者銷毀晒」。

譚再質疑梁說謊，梁強調「我冇講大話，我講返今日嘅嘢啫」，並指此時作供並不肯定 1996 年是否認識 0.1 規例。譚再質疑，梁的回應是基於他在 1996 年出現疏忽，沒發現南丫四號的穩性計算不符 0.1 規例？梁稱，「如果我有睇過嘅話，我無理由特登唔做」。

梁：因不想記起「唔開心嘅嘢」
多年沒翻閱資料

譚續指，計算書把舵機房與油箱當作兩艙計算，是違反了 0.1 規例，而梁於計算書上蓋上「Seen（已閱）」印，是否在覆檢時忽略了 0.1 規例？梁否認，又指「好懷疑點解唔係用 approved（批准），係用 seen（已閱）」，指自己不記得看過的範圍，又指「seen」不等於批准。

譚續引述，梁向財利發出的信件，可見「seen」代表批准，即梁曾閱讀整份文件？梁指「唔係全面睇過晒，有睇過」、「䁽過囉」。譚追問，但梁批准整份 6 頁計算書？梁反問，「批准，咁你批准係咪真係逐個字睇晒呢？逐個逐個數據咁樣？」譚質疑，即使不仔細看數據，應可看得出計算不符 0.1 規例？ 梁強調自己當時不認識 0.1 規例，又指記憶模糊。

海事處代表大律師羅蔚山則提到，梁於 2013 年的記憶比今天應更為清晰，於獨立調查委員會的證供較為準確。而梁於死因庭作供前，多年來沒有再翻查資料？梁指「可以咁講，因為都唔想再記得呢啲唔開心嘅嘢」。

CCDI-1075-1113/2012(MC)

https://thewitnesshk.com/%e5%8d%97%e4%b8%ab%e6%b5%b7%e9%9b%a3-%e6%99%82%e4%bb%bb%e9%a9%97%e8%88%b9%e4%b8%bb%e4%bb%bb%e7%a8%b1%e4%b8%8d%e8%aa%8d%e8%ad%98%e8%88%b9%e7%b8%bd%e9%95%b7%e4%b8%80%e6%88%90%e8%a6%8f%e4%be%8b-%e5%ae%b6/?fbclid=IwY2xjawKhOBFleHRuA2FlbQIxMQABHhCo_FHLya4D6I1VtkoxKpTRogV6fwX0AgO4OghHT_P6YEQzDidDatmKN6qw_aem_R1P9M8xxbmm471ki5Hi2Ug

佢無印象佢有講過姐
好小事

批圖果個話自己唔認識法規個個都賴處方冇要求即係話處長錯啦

海事處實際就係細編制部門,缺一補一
唔係信時事台班on9講行船考牌搏海事處offer,唔識人一定唔請

呢個部門的確係所有野都唔清唔楚唔明確,有事就互攬
一玩圍爐一定係仆街野,其實應該限制三代內有行家唔比in

呢堆圍爐部門都係仆街開,成堆人互相偏袒
大陸都開始改革,禁止再出現xx世家

點解一個家族三代人係香港可以撈同一個政府部門

繁支

Lies lies and lies

成班仆街害死人仲咁撚兒戲

成件事好流
咩以前無驗我就唔驗


唔做野都可以出糧
真正講一套做一套

求情理由 竟然係個個係咁

即係話如果唔係我唔好彩 遇到撞船 我都過骨啦

根據佢地講法
全世界都係咁啦