‘【轉載】[今日捉到個偷拍慣犯！]

【轉載自facebook】

[今日捉到個偷拍慣犯！]

啱啱9點幾我係地鐵站離開咗月台上escalator嘅時候，feel 到條裙後面好輕微郁左一下，一擰轉面見到有個男人企低我一級，手攞住電話喺我條腰嘅水平攞高個電話收埋喺件外套嘅內袋入邊，我個下望住佢，佢望咗下我然後望第二度，神色好似好自然，上完escalator 佢過咗我，一路向前行，並冇行得特別快，但係我覺得有d可疑，唔確定，於是一路拍住video跟住佢一邊喺路上猶豫緊係唔係應該攔截佢叫佢俾我睇佢手機啱啱有冇影咗d 咩，行到差唔多閘口，我預備諗住搵職員，點知佢走咗入男廁！個下我跟到男廁門口仲諗緊入唔入埋去，佢忽然1秒又走返出嚟，見到我企喺門口即刻u-turn 走番入去男廁，我即刻搵職員，同我一齊企喺男廁門口，個男人過咗兩分鐘出咗嚟，我地截住佢，職員問我使唔使報警，我話要，然後等咗一輪警察嚟到，發現佢手機album 除咗我裙底 仲有好多其他女仔裙底嘅相同video!!!!! 🤯🤯🤯 於是警察拉咗佢，即時上手銬，而家我就喺警局等緊口供report。

成件事係一個好嘅結局，但係有好多位我都想發表下：

等緊警察期間，其中一個職員同我傾計，佢話可能個男人係廁所期間已經delete晒 d 野，警察都好可能會話證據不足而放咗佢，或者警察會話呢d嘢要搞幾個鐘 令我冇咗立案嘅意願，佢話遇到呢d情況當刻就要大叫等其他人幫手，佢入咗廁所delete咗d嘢就會證據不足，even 你立案等警察查cam, 個cam 影到佢揸手機嘅角度都未必可以構成證據話佢偷拍你。我一邊聽一邊覺得真係講得太啱，後悔同灰心中🤦🏻‍♀️🤦🏻‍♀️🤦🏻‍♀️ 個下我唯有諗，都要報警，就算可能最後只係阻嚇作用都要。

老實講，叫職員攔截佢嗰一下我都未好firm佢有偷拍，始終都保留一d可能性係冤枉錯人，但係一邊等警察我一邊諗可疑之處

- 嗰時escalator無乜人，點解一個男人會企喺咁貼近我嘅低一格梯級？
- ⁠嗰吓收埋電話嘅動作實在可疑
- ⁠最令我覺得似偷拍嘅位係，佢入男廁，但係點解佢1秒就想走返出嚟，仲要見到我企門口又即刻走返入去？？！！佢應該係慌張所以走入男廁然後唔知自己想點又即刻走返出嚟，但係佢唔預我棟咗喺門口，嚇一嚇所以即刻入返去匿埋。同埋，男人屙篤尿點解會搞成2分幾鐘？
- ⁠佢好似唔算好驚訝自己被人攔截咗，如果冇做過，應該仲係處於一個想問野想了解發生咩事做乜攔截我嘅樣
- 佢有戴口罩，唔係話戴口罩係犯人，但常犯案嘅人戴口罩就好合理

發生咗事件後，我可以專登咁樣列出可疑嘅地方，但當刻其實就係覺得d 野唔sure，會諗，係咪咁啱咋，會唔會屈錯人，當局者會好疑惑，同埋女孩子，even 好似我呢d 已經算惡死同埋厚面皮嘅女仔，個下真係未必夠勇氣做d 行動例如即刻攔截佢，大叫，搵途人捉住佢，我自問成件事最蠢就係無即刻反應去阻止佢，俾佢有機會走左入男廁仲要我又真係無跟埋入去😭好彩佢仲on9過我，入廁所幾分鐘都唔洗機，大概係唔捨得洗走佢d 珍藏🤣🤣🤣 今次先至可以捉到呢個人😤😤

咁多位女仔，雖然絕對真係有誤會左人嘅可能性，但記住，真嘅話完左我地可以道歉，「對唔住，誤會左你」，而就算對方鬧我地，都唔好因為咁而覺得自己價值低又咩吊高嚟賣 以為自己好正個d，完全唔係。呢d 慣犯，佢就係搏你 算啦/可能唔係呢 嘅心態，諗下，佢手機原來仲有咁多受害者，唔可以縱容呢d 人。
講多次，冤枉左人可以道歉，但呢d 人絕對唔可以姑息，如果唔係就會有其他女仔繼續受害。

已閱

有罪推斷

呢啲人
一定要偷拍返佢碌鳩