昔日著名景點「赤柱海濱小賣亭」如今十室九空，唯一營業店舖諷：「宣傳？赤柱有咩畀人睇？」

政府上周公布9個「旅遊熱點」項目，冀吸引更多遊客訪港。不過推出新景點的同時，部分傳統景點被冷落，曾深受遊客歡迎的赤柱便首當其衝，其中當局為吸引遊人塑造的露天景點「赤柱海濱小賣亭」，經營不到廿年「十室九空」，20個舖位如今18個空置，儼如「死場」。有旅遊業界認為新「熱點」予人感覺是因應自由行旅客喜好而設，政府冷落部分現成景點，加上欠缺特別宣傳，令部分商戶結業收場。有議員認為政府不應「貪新忘舊」，商戶及地區亦應設法刺激當區經濟。


食環署轄下的赤柱海濱小賣亭於2007年1月啟用，取代赤柱臨時街市，小賣亭20個舖位以公開競投方式出租，近赤柱大街的首4個舖位售賣飲料及小食，店外設有露天固定桌子，以往吸引不少遊客及本地人光顧；其餘舖位售賣濕乾貨，知名膠鞋品牌Crocs亦曾進駐。根據文創產業發展處介紹，小賣亭面積1100平方米，舖位設計融合赤柱一帶建築風格，頂部白色簷篷以玻璃纖維建成，向外伸延，「極富動感」。

旅遊事務署2004年提交立法會文件提到，赤柱海濱是港人及遊客熱門景點，有需要增加吸引力。翻查資料，小賣亭是政府的赤柱海濱改善工程計劃一部分，海濱2008年曾獲香港園境師學會周年大獎銀獎等3項建築界獎項。

本報記者今年五一當日到赤柱觀察，發現面向海景的小賣亭有18個空置，僅餘租用兩個相連舖位的一間服裝店有開門營業。小賣亭外座位雖有遊人佔用，但只屬「到此一遊」。其餘吉舖門面貼上食環署「未出租檔位」告示，提及「檔內及檔前空間不得放置任何物件，違規者可被檢控及充公物品」，但記者發現部分舖位內疑被棄置雜物。

僅存孖舖稱去年人流減
「宣傳？赤柱有咩畀人睇？」
上述服裝店店員阮小姐說，小賣亭以往吸引不少遊客到訪，小食店門外常常座無虛席，但自去年陸續有店舖離場，同年暑假人流漸減，她估計與港人北上消費有關；隨着今年新年最後一間小食店結業，亭外座位淪為遊客及外傭「打躉位」，無助其店舖生意，平日生意慘淡。被問及宣傳不足是否小賣亭死症，阮直言「宣傳？赤柱有咩畀人睇先？」

食環：正檢視研措施
食環署回覆本報查詢時稱，小賣亭現有18個空置攤檔，出租率為10%，正檢視營運情况及研究可行措施，如有決定會適時公布。

旅界：感覺熱點專為自由行
香港旅遊聯業工會聯會理事長梁芳遠稱，感覺9項旅遊熱點是因應自由行旅客而設，形容政府「頭痛醫頭、腳痛醫腳」， 不解當局何不在原有基礎「做好啲」。她認為赤柱作為傳統旅遊區，有很多現成景點及配套，但政府及當區似無特別宣傳，令遊客大減、美利樓及商戶「做唔住」。她建議政府及當區商舖業主考慮提供階段性租金優惠，並舉辦市集吸客，區議會則可牽頭與商戶及旅遊業界商議改善當區人流及經濟。

立法會議員姚柏良認為，政府推出旅遊熱點的同時「絕對唔可以貪新忘舊」，認為赤柱毋須投放太多資源，只需些少包裝及改善配套就能達到景點功能。他相信當局希望將一些不太熱門的景點變為熱點，目的除了吸引更多人及分流，亦希望帶動經濟，「做咁多嘢為咩呢？都係希望業界及商戶能做到吓生意」。

姚柏良又說，近年港人消費及遊玩模式亦有轉變，導致港人少去赤柱，相信是商戶結業原因之一。他解釋，本地餐飲及零售分別只有三分之一及約四成生意靠遊客，因此當區難單靠遊客撐起，認為當區商戶需轉變產品，以適應市場需求。

原文網址：https://news.mingpao.com/pns/%e6%b8%af%e8%81%9e/article/20250526/s00002/1748195415102

你犯法 赤柱先有嘢睇

做返街市啦！
以前本來有個臨時街市，後尾話因為有個超市而強行拆除街市，間超市賣樣樣嘢都貴過灣仔道1-2倍，公居屋人口又唔少，搞到居民每日坐車出去灣仔買菜

有個墳場，試過果度行下又幾寫意

爛鬼小食部賣杯咖啡50蚊
你去啦

上個禮拜同條女冇野做走去赤柱行，本身都預冇野睇嘅，結果真係幾個鐘食飯影下相就走咗，市集又唔啱睇，又冇去沙灘

美利樓仲要成棟吉晒 德國餐廳同h&m都走咗

要怨就怨劏客市集啦

無店舖先係最美麗嘅赤柱喎

唱好赤柱

而家流行去馬灣1868，新地非牟利管理得幾好

有諗過去，見啲屋好靚，不過嫌遠
嗰度除咗啲屋可以影下相仲有咩睇

九龍站/南昌站有 230R 九巴
交通已經方便好多

唔通係街坊黎

我番大陸飲杯瑞幸仲chill

搬L走左，租左比外國人

事實係....行過幾步有餐廳一樣50蚊左右.....唔知點解要去小食亭

赤柱本身冇乜嘢玩又冇嘢好行
好似以前咁都係做吓鬼佬生意
開啲外國餐廳食吓西餐飲吓酒
得閒搞下啤酒節、wine and dine果啲
比人chill吓hea吓
再整多幾間文青打卡cafe
其實極其量就係咁

可惜而家連鬼佬都唔嚟
小紅書大媽同特種兵搞爛之後又唔會嚟
一變咗死城真係難救

Happy XG

有樓放租.....必勝

政府插手得愈多，個場就會愈閪，一啲都唔意外

去淺水灣The Pulse唔好?

而家話政府插手咩「9項旅遊熱點」，冇理過赤柱喎

冇遊客係一件事, 但本身開鋪做生意果班都有問題
幾十年前賣既野, 幾十年之後又係賣果d......以前資訊冇咁發達俾你劏, 今時今日你仲係咁賣淘寶貨.....收皮都好正常

食環署轄下的赤柱海濱小賣亭於2007年1月啟用，取代赤柱臨時街市，小賣亭20個舖位以公開競投方式出租，近赤柱大街的首4個舖位售賣飲料及小食，店外設有露天固定桌子，以往吸引不少遊客及本地人光顧；其餘舖位售賣濕乾貨，知名膠鞋品牌Crocs亦曾進駐。根據文創產業發展處介紹，小賣亭面積1100平方米，舖位設計融合赤柱一帶建築風格，頂部白色簷篷以玻璃纖維建成，向外伸延，「極富動感」。

旅遊事務署2004年提交立法會文件提到，赤柱海濱是港人及遊客熱門景點，有需要增加吸引力。翻查資料，小賣亭是政府的赤柱海濱改善工程計劃一部分，海濱2008年曾獲香港園境師學會周年大獎銀獎等3項建築界獎項。

本身就係好地地，然後轉左小賣亭，成為海濱改善工程計劃既一部份

咁都唔係政府插手？
定係個赤柱海濱唔關赤柱事？