由初出道時的後生女，到現時成為輕熟女，無論哪個階段，阿旦的身材依然保持fit爆，而且她亦毫不吝惜其好身材，頻頻在社交平台派福利圖，日前適逢41歲生日，阿旦在社交平台分享婚紗相，但並非宣布婚訊，而是有感而發，她感嘆時光飛逝：「話咁快又繞咗太陽一圈，人生呢場奇妙旅程，有時似過山車刺激，有時似單車悠閒，最溫暖嘅係…沿途有你哋嘅陪伴。」
對於又大一歲，阿旦豁達面對：「年齡？不過係雞蛋盒上嘅數字，話冇焦慮就假㗎～但請記住：每人嘅時間線都唔同！際遇不同，何必比較？當迷茫時就問下自己：『究竟係目標唔清晰？定係唔夠自信？』只要認識同了解自己深啲，適合嘅人同事，自然會喺對嘅時候出現。新一歲，繼續做個：樂天知命嘅 #鄧雞旦，保持好奇嘅探索者；心懷感恩嘅旅人。」
