[超霸勝時間寶] 五月二十八日谷草九場賽日討論區 I

奧隊 2025-05-28 11:02:37

【文化衝擊】Sunday Racing董事吉田俊介稱「自由島」人道毀滅前未獲通知

日本三冠雌馬「自由島」（Liberty Island，リバティアイランド）上月喺香港上陣時左前腳種子骨韌帶內外兩側撕裂及球節甩骹，最終需要人道毀滅。

事隔一個月，Sunday Racing董事吉田俊介日前接受訪問，講述當時嘅情況。佢表示當意外發生後，佢希望唔會出現最壞嘅情況（需人道毁滅），即使唔能夠繼續出賽，佢都希望可以令「自由島」擔任繁殖雌馬。佢表示如果喺日本出現類似意外，賽駒會被安排照X光及做各項檢查後，如確認需要人道毀滅，會事先與馬主及訓練師確認：「真係救唔番。」，「好吧，真係無辦法。」，之後先會人道毀滅。

不過，吉田俊介指當時「自由島」被帶到運馬車，並於車內人道毀滅，事前並無通知馬主及練馬師。佢表示練馬師中內田充正再次見到「自由島」時已經係已離世嘅佢。

吉田俊介就話理解賽馬地區不同，處理手法亦有所不同。香港安排賽駒人道毀滅前，作為馬主及練馬師事前未獲通知，處事都非常有效率。（何もかもがテキパキしていたんです。）佢就話唔習慣呢種文化嘅佢地（應指日本馬圈及馬迷），心情難以平伏。佢坦言一直說服自己接受，例如以「長痛不如短痛」呢種說法去說服自己，並試圖向其他人解釋。

佢就話感受到練馬師中內田充正及騎師川田將雅都相當難過，並於意外後幾日去到牧場同照顧「自由島」嘅牧場員工傾談。而佢自己就呢幾個星期入面就喺度諗自己會唔會有啲咩可以做得好啲，尤其去年已知道「自由島」右前腳嘅種子骨韌帶不時出現問題，即使當時決定要小心部署呢匹雌馬。

吉田俊介表示「自由島」嘅骨灰連同部分鬃毛已被帶回日本，並預計會為佢設立墓碑。佢就話見到日本各競馬場嘅獻花台都有好多人悼念「自由島」，希望墓碑設立大眾都可以抵達嘅地方，協助大家疏理情緒。

奧隊 2025-05-28 11:03:06

結果狗會推左呀佳 Cake出黎祭旗算