共渡時艱 關稅殺到Nike、Subaru美國率先加價 零售商表示或會減人工縮減開支

美國政府針對多國加徵關稅，各大品牌為免得罪消費者，一直態度曖昧，但近日終於有巨頭正式宣布加價。Nike 將於 6月前全線調高售價；日本汽車品牌 Subaru亦預告部分車款加價逾 2,000美元。面對「加價與否」的兩難局面，部分企業選擇自行吸收部分成本，盡力避免將壓力轉嫁予消費者。

Nike百元以上鞋款加10美元
Nike 將於本週起分階段加價，涵蓋成人服飾及運動裝備，加幅由 2至 10美元不等。《CNBC》報道指，售價介乎 100至 150美元的波鞋將加價 5 美元，而超過 150 美元的鞋款則加 10 美元。Nike 表示，兒童用品及百元以下鞋款價格不變，並未正面回應加價是否與關稅有關，只稱為「季節性調整」。

Nike目前約有一半鞋類產品在中國與越南生產，兩地分別面臨 30%與 10%關稅壓力，若不加價，將進一步壓縮利潤空間。

Subaru最高加價2,000美元
Subaru 則宣布由 6月起上調美國市場多款車型的售價，其中 Forester、Outback、BRZ、WRX 等車款加幅最高達 2,000 美元。不過官方聲明中僅稱「因應市場條件」，未提及關稅因素。外界普遍認為，車廠有意淡化政治敏感，以免「辣㷫」特朗普，捲入與白宮的摩擦。

當多個品牌因應關稅而宣布加價之際，部分車廠則反其道而行，推出「全員員工價」(employee pricing for all) 抗衡關稅衝擊。福特在4月率先宣布「From America, For America」優惠，向公眾開放 2024 與 2025 年多款車型的員工優惠，預計持續至 6月 2日；Stellantis 亦隨即推「Freedom of Choice」優惠，涵蓋 Jeep、Ram、Chrysler等品牌，消費者可選擇員工價或現金折扣中較佳的方案。

零售商難為 加價或減人工
不止各個大牌子受壓，前線零售商更是進退兩難。《Axios》取得一份在國會傳閱的文件顯示，關稅令一雙原價 19美元的兒童鞋成本升至 24美元，其他鞋類普遍成本增加 3美元，若進口商訂購 10萬對鞋，需準備 30 萬美元的額外資金。有業界代表表示，零售商已無空間吸收成本，只能選擇加價或縮減開支，例如減人工。

零售巨頭各出奇招應對
面對現實壓力，美國三大零售商近日表現各異。Walmart 已明言無法再承受，將調高部分商品售價；Target 稱會盡力吸收大部分關稅衝擊，但不排除最終加價；Home Depot 則指不會「廣泛加價」，惟部分貨品或從架上消失。

總統特朗普早前更公開要求零售商「吞掉關稅」，點名 Walmart「吃掉關稅」，惟業界普遍認為，關稅成本最終仍由消費者埋單，尤其在今年暑假與秋季開學前，壓力將進一步浮現。

死剩種含侵CCTOY:
Make America Great Again！

等睇侵侵用行政命令禁止加價

唐侵唔係話罰外國出口商咩，做咩變左罰自己

美國佬慘食回力標
要買貴貨囉

侵係時候叫司法部出信恐嚇啲公司唔准加價

痴線加10美金
我去買李寧唔好?

stellantis 個deal 揾笨柒，加埋 dealer option 同濕鳩package 再折畀你

專家一早講過關稅戰會嚴重影響美國物價
係maga,華人侵粉幻想係美國收全球保護費

所以讀書好重要

買唔起 買回力算

幾百一部美的吸塵機
靜音設計, 過濾系統比行內標準更高
無mic邊有代替品

連燈仔就係唔曉實務
美國製帽一頂50usd, 美國人,日本人都係用唔起
迫盟友買美國貨只會反目收場

好快又要印錢 唔係就係stagflation

美國入口商畀，然後價錢就會反應物價到。

所以關稅稅收都係兜個圈割國民荷包。

關稅本身就係雙刃劍，邊會美國一面屌打咩

廢侵日日懲罰美國選民

加價經濟先會好架嘛 美國有救啦

紅州班傻鳩以為係deep state 受罪 原來係自己食屎 又減稅又準備QE 美國d窮西又準備食屎

maga有一個奇怪講法係中國工廠為生意會硬食關稅,美國人不受影響

果班友唔明美國商人係好狼死,本身已經係賤價入貨
純粹係訂單的量大所以中國工廠仲捱到

但關稅係計%直接無得做

你咁講太片面

關稅一定係買賣雙方共同承擔

美國價上升唔代表關稅100%美國食哂，有d會去左外國生產商

本身毛利少，大陸工廠都係玩薄利多銷，加落去倒不如唔做。

但唔係樣樣嘢都可以代替到，有啲原材料其他國家加埋都冇大陸畀到嘅量同質素

呢個要睇佢地點樣傾

你話外國生產商係佢地子公司咁要外國食未冇問題

但雙方係合作關係唔好話蝕本

白做既生意邊個老闆肯做

行政命令大減價

關稅係美國入口商俾，關大陸廠咩事？
批貨到咗美國之後，會先扣起，等貨主俾咗關稅先放行，到最後一定係美國消費者受返

陰公，快啲將啲工廠搬返美國嘛

你收皮啦！

連登仔個個都係fg 5萬，買嘢唔會睇價錢架！