點睇bob叔threads篇文？

我唔係撑佢，只係我都認同唔應該呻，不過我有自己嘅睇法

如果大家討論嘅興趣重點係如何正確解讀佢呢番說話同了解佢背後嘅思維，而唔係面對10+1嘅應有態度，咁你當我off topic.

又話為左言論自由而走, 走左俾人撚又話唔好呻, 成班痴孖根

又廢又窮仲諗移民
仲唔係自找咩？
呢個係 係咪不自量力嘅問題
駁返啲佢啲論點好過攻擊人哋有錢囉

請問佢嗰段嘢邊句有咁嘅意思？

其實你唔好再幫佢洗白啦。定還是你係佢本人？佢出錢請你做佢打手？佢篇嘢炒晒車，將佢啲仆街心態展露晒出嚟，你為咗幫佢兜咁樣扭區佢段嘢，肉唔肉酸啲呀？

佢講到而家英國工黨就算想10+1你班移英嘅人都要接受，冇大英嘅話邊有得你移民呀？仲唔謝主隆恩？但而家俾你講到佢嘅意思係叫人唔好呻，而係要積極諗辦法去阻止呢樣嘢發生？ 你咁樣扭曲得佢嘅意思，證明你都知佢咁講係好仆街啦！但你仲惡劣到幫佢兜，佢原本叫人哋揀得呢條路，個政府點仆街都要心懷感恩咁去接受，俾你講到佢好心叫人唔好呻，將啲精力擺喺其他事去阻止10+1？如果咁都俾你黑都講成白，你侮辱緊大家嘅智慧呀。

隻肥豚今次呢個post 將佢之前扮到好撐香港人扮黃嘅人設敗晒，呢樣嘢樓上已經好多人講過。係咪去到英國飄飄然，飄撚到唔知去邊所以將個本質表露咗出嚟呀。如果主到個政府係錯嘅係賤嘅，移民嘅人都唔可以講唔可以呻，咁洗咩離開香港？要好似佢咁做奴才嘅話，唔洗嚟英國啦！不如佢返香港啦，香港先啱佢呢啲人。2019年扮咩黃姐？個底都係藍㗎啦，送中條例又好國安法又好，呻咩？反對咩？Live with it 啦

你哋呢班跟尾狗，最撚鍾意話移英嘅香港人歐洲都未去過就學人移英。但我身邊啲同事，嚟自歐洲唔同國家，嚟到都會呻英國呢樣唔好嗰樣唔好，嘢食唔好交通唔好啲人做嘢唔好。點呀，人哋直頭嚟自歐洲呀，人哋都可以呻但都係繼續生活落去，見到政府不公就出聲投票，呢啲都係人之常情，而家俾佢講到選擇咗移民就連言論自由都冇埋？仲要成班人走去撐佢呢啲荒謬嘅論點？佢緊係冇嘢好呻啦，唔洗同你班窮撚坐火車，唔洗去投票住緊嗰區自然都係Tory 㗎啦，因為住嘅係傳統白人上流精英區呀嘛。不過都唔係喎，都有嘢要呻嘅，summer time 嚟到好慘呀要俾多£1000電費啦（自行腦補佢把死人笑聲，仲黑人憎過coco哥）而家英國有幾差，佢係咪匿埋喺佢個垃圾車房匿到撚到脫晒節呀？睇嚟唔知英國國情嗰個係佢喎，個腦只係諗住下次去邊拍片等你班人羨慕吓。

驚恐症驚乜撚呀？原來移個民就好返晒咁撚兒戲呀？weak man 原來係佢。其實想走咪走囉，知佢呢啲人邊度有著數就即刻走去嗰度㗎啦，有咩好掩飾姐？人之常情喎，唔會好似佢咁唔俾人呻唔俾人講嘅。難為出面大把人suffer 緊唔同情緒病都仲努力生存緊，呻2句都俾呢啲死weak man 批判，然後成班無腦嘅應聲蟲跟尾狗衝埋去幫佢抬橋。

仲有，就算BNO 嘅人拎咗BC唔諗住回流，都唔代表佢唔可以反對而家工黨提出嘅10+1。回流係一回事，反對呢個不公嘅政策係另一回事。成班白痴俾個死肥佬帶到困縛呢樣嘢一齊？撐佢嘅人冇獨立思考無腦都算，仲要幫佢兜幫佢奶？真係睇撚到火。我身邊大把朋友用BNO visa 過咗嚟英國，佢哋都無諗住回流喎，但你知唔知呢條咁嘅政策如果真係計埋BNO visa 嘅人，對佢哋生活同計劃有幾大負面影響呀？雖然呢樣嘢唔影響到我，但將心比己，我都唔會講得出Bob叔講嘅嘢。所以佢唔好再扮嘢咩扮移英港人，得閒就包廂請人睇波啦，洗少少錢出嚟咪當派吓軍糧囉，咁就收買咗啲人，又幫佢樹立到形象，何樂而不為呀？

你咁撚幫住佢，建議你與其幫佢洗白，不如同佢講做人唔係咁做㗎，佢係幸運嗰一個，就唔好撚出嚟學人講唔捱得，佢知咩係捱咩？

屌得好
移民英國就連呻都唔畀，惡過共產黨

上面已經回覆過另一位，我只認同唔應該呻呢一點但有自己嘅睇法

如果你想同我討論，可以傾下我嘅論點，如果你想討論Bob叔嘅言論/立場/為人，請自便唔阻你

點解要接受真係鍾意一個地方想佢進步係正常事實上香港既效率係值得全世界所有地方去學習

炒一件事
話自己好威威另一件事

佢生得好命呢啲唔係叫做資格
佢亦都冇資格串
佢只有資格話自己好有錢
真正有資格嘅只有自己捱出頭嗰啲
而其實捱出頭都係好多運氣成份
所以最後冇話邊個有資格
只有唔同嘅性格
be humble

或者佢畀五千萬港紙我，就有資格串我囉

咁你加油啦，帶頭改變成個加拿大

喂大佬，你拎六七十年代啲叔伯同而家移民比？你估而家仲係拎住鑊鏟炒雜碎就賺到第一桶金嘅時代呀？當年倫敦東區一間takeaway 3萬鎊有找，今時今日Northern Quarter一間炸魚薯條店叫價25萬鎊！我親戚97前過嚟伯明翰開酒樓，而家班伙記時薪12鎊仲要包住宿，你估仲係著條孖煙囱喺廚房做到凌晨嘅世界咩？

話新移民呻苦？曼城Stretford個香港IT阿head，帶住兩球過嚟full pay買屋，半年極速搞掂cloud security牌照，請咗七個本地人做野。上個月先同我呻Northern Powerhouse基建慢過香港起條天橋——人地呻係因為有比較有要求呀！你估仲係落後等於美德嘅年代？

仲有呀，你估個個賣樓過嚟嘆世界？我個friend係big 4 manager劈咗太古城層樓，嚟到即刻考ACCA，老婆由HR director變身超市收銀，個仔讀state school俾人笑ching chong晚晚喊。人地呻兩句就係weak men？你試下俾老婆日日問『點解要嚟捱凍』睇下你頂唔頂得順？

最唔順氣你話人靠BNO5+1著數——大佬，97前著草嗰班咪又係拎住英國護照著草！分別在當年機場仲見到揮旗仔歡送，而家俾人鬧走狗咋！仲有呀，今時今日肯放棄香港專業資格由低做起，仲要頂住China flu歧視，弱極都有個譜啦！

苦難從來唔值得歌頌，識得用腦搵出路先係真強悍。你估當年班叔伯想捱到腎虧咩？係冇得揀呀！每個時代都有佢嘅戰場。用勞損換生存唔係勳章，係時代嘅傷痕。每個時代都有不同戰場囉。

AI?=.=

去耐左英國就變左英國版藍絲
如果係咁當初19年做咩要撐反送中
其實佢講既野同cctvb個呀婆講唔中意咪移民有咩分別
再講唔好話咩bno 5+1係英國施捨俾我地
根本英國有責任俾返香港人
當初無做過公投就直接送香港俾中共
之後仲要管唔到中英聯合聲明
由頭到尾都係英國欠撚左香港人
同埋去到英國覺得有問題點解唔可以出聲
就係上一代垃圾有問題都唔出聲先搞到今代香港人咁撚慘
仲好意思講佢地好勤力好捱得
貪錢就貪錢啦
掉返轉依一代有幾多人有大好前途都藏送左
一句講晒 bob狗你食撚屎啦

呢幾年冇咩留意佢同佢啲片
估唔到再見到佢就係佢講啲咁既野
我唔係移英 都先由5+1變到10+1 真係好過分
幾撚多家庭可能要plan過曬啲野
唔係每個人都好似佢咁 有個有錢老豆

我明咩tough times make strong man
但佢呢個背景佢根本冇能力去講呢啲野 因為佢本身資源已經比人多

似係你弱智多啲喎，黃藍都未識分