MIRROR成員江𤒹生（Anson Kong，AK）日前推出新歌《心死了幾百次》，MV以死亡去呈現「說得太遲」的遺憾與懊悔，講述AK的靈魂出席自己的喪禮，看到女友也有現身，卻沒有辦法跟她溝通……其中AK瞓在棺材中的一幕，被網民質疑抄襲韓國天團防彈少年團（BTS）成員柾國（Jungkook）的《Seven》MV。有網民在threads出帖文質問：「點解可抄到咁明目張膽？」，引來AK本尊回覆：「你都明目張膽地亂咁噏」。
網民昨日（5月22日）在社交平台threads出帖文，並附上兩張AK的照片，直指AK明目張膽地抄襲柾國（Jungkook）MV中的瞓棺材橋段。「上次抄完 Jungkook《Standing next to you》，今次就抄《Seven》瞓棺材，點解可抄到咁明目張膽？仲要次次抄同一個人同一隻碟。」引來AK回應：「你都明目張膽地亂咁噏。咁我點解唔可以明目張膽地做自己喜歡嘅事情」。
該名網民在AK留言下繼續寫道：「你喺演唱會都唱過JK首歌，有睇過佢啲MV，你鬧我亂up冇問題，你鬧我定叫班fans嚟鬧我都唔介意，你同你隊crew過到自己良心就得。問心，我對你個人冇意見，但做得藝人，做得創作，reference咗幾多，條界線喺邊，如果真係有心做創作嘅必須要搞清楚。希望你明白我講緊乜。」AK再留言寫道：「你嘅意見我已經接收到。呢度有一拃沙，送俾你」
0公關
