性罪犯唔再坐監！英國試推化學閹割震撼全國

英國監獄爆煲，政府為解決囚犯人數爆滿問題，正考慮以化學閹割取代性罪犯入獄。司法大臣Shabana Mahmood日前證實，政府將喺全英20間監獄展開先導試驗，對重犯或高風險性罪犯，使用荷爾蒙藥物壓抑其性慾，從而達到懲罰及預防再犯效果。

咩叫化學閹割？並唔係切除生殖器，而係定期注射抑制睪酮水平嘅藥物，例如抗雄性激素或SSRIs，令性衝動大幅減低，甚至對性失去興趣。此措施已有多個國家採用，例如波蘭、韓國、美國部分州份等，但普遍屬自願性質。

不過英國今次可能考慮「強制實施」，引起醫學界同人權團體強烈反對。多位醫生組織警告，若無病人同意，強制注射將違反醫療倫理，甚至觸犯人權法例。有醫生表明唔會配合，擔心淪為政治工具。

根據2023年官方報告，英格蘭與威爾斯平均每個囚犯每年開支超過4萬英鎊，而化學閹割藥物每人每年僅需數千英鎊，成本效益高得多。同時，研究指出，化學閹割可令性罪犯再犯率減低多達六成。

司法部最新統計顯示，目前全英監獄人口接近9萬人，幾乎已到飽和，部分罪犯甚至要臨時轉移至警署羈留。而性罪犯長期監禁加劇監倉壓力，亦成為今次政策改革觸發點之一。

至於民眾反應，社會意見兩極。有家長支持，認為與其浪費公帑養住潛在危險人物，倒不如直接「拔掉引線」。但亦有人憂慮，一旦開咗先例，日後政府可能用同樣方式對待其他類型罪犯，滑坡效應不可忽視。

目前，英國司法部強調今次僅屬「探索階段」，最終是否推行全國仍有待審慎評估。不過，有關消息已經引起廣泛關注，未來幾個月將成為英國刑罰制度改革焦點。

劉馬車

物理切割

雙管齊下

又唔捉人去坐
又唔用體罰

男人
男權出下聲好喎

阿雞

d犯到期唔去打針，又要搵人捉.....

真
犯咁聽話就唔會會犯

「多位醫生組織警告，若無病人同意，強制注射將違反醫療倫理，甚至觸犯人權法例。有醫生表明唔會配合，擔心淪為政治工具。」

坐監個犯夠唔同意啦

屌你鬼佬真係用個屎窟諗嘢

又比女權打壓？
女人好鐘意傾唔岩價錢屈老強

化學閹割可令性罪犯再犯率減低多達六成

強姦犯本身坐得都算輕，唔加重罪刑仲要變相等啲強姦犯用針換唔使坐

斬JJ

諗起發條橙，都係喺英國

物理閹割仲好

打飛機都變成人權

加重罪不如老強完直接殺 還掂差唔多坐咁耐 係咪？

轉頭放返班peaceful people出嚟啦，理由係唔知強姦小朋友唔犯法呀嘛

工黨又喺度轉移視線

正
Condom 都唔洗

BBC 有講搵左美國專做罪犯既tech 公司
會加Tag 定位

講真
如果真係做到化學閹割
真係好過
不過實有一堆乜鳩嘢人權組織出嚟反對

即係仲有四成機會再犯
唔係好化算喎

圖靈：震驚條毛，咁我算咩？

硬唔到梗係唔駛用啦

睇戲睇得多, 呢D人可能會變變態佬之後玩支解

咁個犯強姦人果時有無考慮過受害者嘅人權？