其實點解咁多人會屌牙峯演唱會？

今年演唱會係佢入行25周年演唱會黎
明顯係總結緊佢自己呢25年演藝生涯
見佢喺電視度整好多歷年演過角色嘅彩蛋
作為佢10幾年fans直頭係覺得surprise同正

由第一個演唱會（Let’s get wet）開始
佢都已經不斷講自己係鍾意跳唱
就算當時得7日時間綵排
都特登排好多舞落去表演比大家睇
唔特登擺上黎
但大家可以自己search返咁多年演唱會rundown
所謂大家唔熟嘅非情歌同快歌係有幾多
勁歌熱舞不嬲係佢演唱會賣點黎

美中不足係唱愛在、愛不疚同幼稚完
呢三首最經典歌嘅時候
把聲好似未開哂咁
一唱完幼稚完之後把聲就靚晒
之後由Come 2 me開始把聲完全唔同
同埋可能阿mo單野之後紅館玩機關難咗
佢升上去之後淨係同到一邊觀眾互動
之前heart attack吊喺上面繞場一圈仲正
當然佢都盡可能滿足觀眾
兩邊都各升上去一次

情歌medley都係其中一個高潮位
再多幾首歌會再好d
（我們很好、直到你不找我、On my may、愛人與海、赤地轉機etc…）
呢part炒起晒全場氣氛好正
如果首首都唱晒就太多時間
同埋冇medley呢種咁緊湊
可以炒熱晒成個場嘅感覺

唯一真係要屌我覺得係排舞條友
完全唔識排四面台嘅舞
成日都係面向一邊跟住一堆人湧埋去唔知做乜鳩
三面台就話姐
依家講緊四面台
以前d舞正好多
同埋今年舞台效果都一般

至於諗住入場睇佢唱晒咁多首慢情歌
會唔會係太多路人對佢有偏見同誤解？
路人當咗佢係一個「唱情歌的人」
但牙峯不嬲都想比人知佢唔係淨係識唱情歌
佢最紅果陣做自己鍾意嘅音樂出首Chok
（而每個album都會有起碼一兩首快歌/非主流歌）
因為果陣市場唔接受非主流歌
再加上比人擺上台整個金曲金比佢
搞到佢敗走香港市場
到今日返黎香港市場
再話多一次比人知佢唔係淨係唱情歌

最後完場前用果幾首快歌收尾
正正就係對過往演唱會嘅總結
Let’s get wet > 熱能放送 > Heart attack > Nice

唔知大家知唔知
Let’s get wet係第一個演唱會Let’s get wet主題曲
第二個演唱會主題曲Come 2 me
因為中段唱咗所以冇再唱
第三個演唱會Light up my live主題曲熱能放送
第四個演唱會A time 4 you主題曲Nice
第五個演唱會Heart attack主題曲Heart attack


作為fans見佢咁耐冇喺紅館開演唱會係非常開心
佢依然好努力想將自己鍾意嘅野放上舞台獻比大家睇
呢個演唱會作為牙峯咁多年嘅演唱會黎計未必係最好之一
但一定冇大家講到咁差
（我自己排名係heart attack > a time 4 you > come 2 me > others）
如果你肯再細心欣賞佢演唱會嘅一d細節位
可能會令你有唔同睇法
我明未必改變到大家諗法嘅
不過我覺得係大家太先入為主
林峯就應該唱情歌而有期待落差

因為大家都期望同澳門rundown差唔多囉
點知返黎香港差咁撚遠

期望管理