莊子璇今日（21/5）現身北角出席無綫節目《食好啲》外照拍攝，就事件接受訪問時表示：「其實打網球當日係有劇組嘅人去，何廣沛都喺度，因為我哋經驗淺，變咗安爸爸佢教咗我哋打網球。（傳安仔健身變回春係為咗你？）其實安仔望落都好後生，只不過之前套劇，要佢化老妝啫，變咗而家做返自己，可能因為咁大家覺得佢回咗少少。同埋我哋藝人時刻都要保持好嘅身材，咁所以做運動係應該。」
被問到會否有機會感情發展？她表示：「唔會，因為我哋係父女嘅關係，呢個大家庭係好開心，好似親人咁樣。希望佢唔好介意人哋咁樣講，因為大家知道係一個好好嘅親情關係。（同年紀大嘅男人感情發展抗唔抗拒？）其實我又冇年齡界限，因為愛情係冇分國藉、年齡同性別，咁所以我係覺得冇嘢。（同安仔有冇機會發展？）我覺得發展係成為更加好嘅親人關係。（成男女朋友關係？）唔會。」
